لودھراں جنکشن ریلوے اسٹیشن

لودھراں جنکشن ریلوے اسٹیشن، لودھراں شہر وچ واقع ہے جیہڑا کہ سرائیکستان دا ہک اہم حصہ ہے۔ اے پاکستان ریلویز دا ہک اہم جنکشن ہے جتھوں ݙو اہم ریلوے لائناں شروع تھیندیاں ہن: لودھراں-خانیوال ریلوے لائن تے لودھراں-رائے ونڈ برانچ لائن۔

لودھراں-خانیوال ریلوے لائن کراچی–پشاور مین ریلوے لائن دا ہک حصہ ہے اینکوں شارٹ لائن وی آکھیا ویندے۔ لودھراں-رائے ونڈ برانچ لائن لودھراں کوں رائے ونڈ نال ملیندی ہے۔ ایں جنکشن دی وجہ توں لودھراں دی اہمیت ودھ گئی ہے کیوں جو اتھو ملک دے ٻئے حصیاں کیتے وی ٹریناں مل ویندیاں ہن۔