لطیف کھوسہ
سردار لطیف کھوسہ پنجاب دے سابقہ گورنر ہن۔
حیاتی
[لکھو | ماخذ وچ تبدیلی کرو]سردار لطیف احمد خان کھوسہ 25 جولائی 1946ء کوں سرائیکستان دے علاقے ، وچ ڄمیے تے طالب علمی دے دوران ہی سیاسی زندگی دا آغاز کیتا تے پنجاب یونیورسٹی لا کالج دے صدر بݨیے۔ انہاں نے وکالت دے نال نال وکلا سیاست وچ وی بھرپور حصہ ڳھدا۔[١]
وکالت
[لکھو | ماخذ وچ تبدیلی کرو]سردار لطیف کھوسہ ترائے واری ہائی کورٹ بار ملتان بنچ دے صدر منتخب تھئے تے ملک وچ وکلا دی سب توں وݙی نمائندہ تنظیم پاکستان بار کونسل دے ترائے واری رکن چݨیے ڳئے۔ سنہ 2000ء وچ لطیف خان کھوسہ نے سپریم کورٹ بار دے سابق صدر حامد خان دے پروفیشنل گروپ توں علیحدگی کر تے الگ گروپ تشکیل ݙتا جیہڑا بار دی سیاست وچ کھوسہ گروپ دے ناں نال مشہور تھیا۔ لطیف کھوسہ نے سپریم کورٹ بار دا انتخاب وی لڑیا پر اوہ وکیل رہنما حامد خان توں ہار ڳئے۔[٢]
سیاسی وابستگیاں
[لکھو | ماخذ وچ تبدیلی کرو]پیپلز پارٹی
[لکھو | ماخذ وچ تبدیلی کرو]سردار لطیف کھوسہ پیپلز پارٹی دی وکلا تنظیم پیپلز لائیرز فورم پاکستان دے صدر وی رہے۔ سردار لطیف کھوسہ نے بینظیر بھٹو تے آصف علی زرداری دے خلاف مقدمات وچ انہاں دی پیروی کیتی تے 2002ء دے عام انتخابات دے بعد اوہ پیپلز پارٹی دی طرفوں سینیٹر منتخب تھئے۔ پیپلز پارٹی دی مقتول سربراہ بینظیر بھٹو سابق فوجی صدر جنرل پرویز مشرف دے دور وچ اپݨی جلاوطنی دے بعد جݙݨ لاہور وچ آئیاں تاں انہاں نے سردار لطیف کھوسہ دے گھر وچ قیام کیتا تے اتھاں انہاں کوں نظر بند کر ݙتا ڳیا۔ ایہ بینظیر بھٹو دا لاہور دا آخری دورہ ہئی تے ایہ نظر بندی وی انہاں دی زندگی دی آخری نظر بندی ہئی۔
21 ستمبر 2023ء - سیکرٹری جنرل پیپلز پارٹی نیئر بخاری نے لطیف کھوسہ کوں پارٹی پالیسیاں دے برعکس چیئرمین پی ٹی آئی دے نال مراسم دے بعد باقاعدہ پارٹی رکنیت تے سی ای سی دی رکنیت معطل کر ݙتی۔
تحریک انصاف
[لکھو | ماخذ وچ تبدیلی کرو]17 دسمبر 2023ء - سردار لطیف کھوسہ دی لاہور پریس کانفرنس وچ اپݨے ٻئے وکلا ساتھیاں دے نال رل کے پاکستان تحریک انصاف وچ باقاعدہ شمولیت دا اعلان۔[٣] [٤]
وکلا تحریک
[لکھو | ماخذ وچ تبدیلی کرو]معزول ججاں دی بحالی تے عدلیہ دی آزادی دے حوالے نال شروع تھیوݨ آلی وکلا دی تحریک وچ لطیف کھوسہ پیش پیش ہن۔ پر اٹھارہ فروری دے انتخابات دے بعد پاکستان پیپلز پارٹی دے اقتدار وچ آنوݨ دے بعد اوہ ایں تحریک توں علاحدہ تھی ڳئے، انہاں کوں وکلا دی طرفوں نہ صرف شدید تنقید دا نشانہ بݨایا ڳیا بلکہ بعض ڈسٹرکٹ بار وچ انہاں دے داخلے تے پابندی عائد کر ݙتی ڳئی۔
اٹارنی جنرل
[لکھو | ماخذ وچ تبدیلی کرو]سردار لطیف کھوسہ کوں 29 اگست 2008ء کوں جسٹس ریٹائرڈ ملک محمد قیوم دی جگہ اٹارنی جنرل مقرر کیتا ڳیا ہئی پر ہک سال دے بعد ہی انہاں کوں ایں عہدے توں ہٹا ݙتا ڳیا جݙݨ مغفور شاہ ناں دے ہک شخص نے سپریم کورٹ وچ ہک درخواست دائر کیتی جیندے وچ انہاں تے ہک مقدمے وچ مدعی کوں بری کرواوݨ دے کیتے ججاں دے ناں تے انہاں توں ترہی لکھ روپے ڳھنݨ دا الزام لایا ڳیا ہئی۔
مشیر
[لکھو | ماخذ وچ تبدیلی کرو]اٹارنی جنرل دے عہدے توں ہٹݨ دے بعد انہاں کوں 10 فروری 2010ء کوں وزیر اعظم نے اپݨا مشیر بݨا ݙتا پر کجھ عرصے بعد انہاں نے اپݨے عہدے توں استعفیٰ ݙے ݙتا ہئی جیہڑا منظور نہ کیتا ڳیا۔ بطور مشیر لطیف کھوسہ نے اپݨی ہی وزارت دے بارے وچ وائٹ پیپر وی شائع کیتا۔ کڄھ سال لطیف کھوسہ نے وزیر اعظم دے مشیر دے عہدے توں استعفیٰ ݙے کے این آر او کیس وچ بطور وکیل اپݨا وکالت نامہ جمع کروایا تے ایں مقدمے وچ حکومت دی طرفوں پیروی کیتی۔
گورنر
[لکھو | ماخذ وچ تبدیلی کرو]سابق گورنر سلمان تاثیر دی توہین رسالت قانون دے حوالے نال بیانات نے ملکی سیاست تے مذہبی حلقے وچ ہلچل مچا ݙتی۔ جیہدا نتیجہ ممتاز قادری دے ہتھوں سلمان تاثیر دے قتل دی صورت وچ سامݨے آیا۔ سلمان تاثیر دے قتل دے بعد صدر نے لطیف کھوسہ کوں پنجاب دا گورنر مقرر کیتا۔ اوہ 3 جنوری 2011ء توں 2 جنوری 2013ء تک گورنر دے منصب تے فائز رہے۔
حوالہ
[لکھو | ماخذ وچ تبدیلی کرو]- ↑ https://urdu.alarabiya.net/pakistan/2023/09/22/%D9%BE%D8%A7%DA%A9%D8%B3%D8%AA%D8%A7%D9%86-%D9%BE%DB%8C%D9%BE%D9%84%D8%B2-%D9%BE%D8%A7%D8%B1%D9%B9%DB%8C-%D9%86%DB%92-%D9%84%D8%B7%DB%8C%D9%81-%DA%A9%DA%BE%D9%88%D8%B3%DB%81-%DA%A9%DB%8C-%D9%BE%D8%A7%D8%B1%D9%B9%DB%8C-%D8%B1%DA%A9%D9%86%DB%8C%D8%AA-%D9%85%D8%B9%D8%B7%D9%84-%DA%A9%D8%B1-%D8%AF%DB%8C
- ↑ https://jang.com.pk/news/1300519
- ↑ "Archive copy"۔ 2025-02-25 کو اصل سے آرکائیو کیا گیا۔ اخذ شدہ بتاریخ 2025-02-22
{{حوالہ ویب}}: اسلوب حوالہ 1 کا انتظام: آرکائیو کا عنوان (link) - ↑ https://urdu.geo.tv/latest/349910-