لطف علی مولوی

مولوی لطف علی سرائیکی زبان دے ٻہوں وݙّے مہان٘درے شاعر ہَن۔

ڄَمّݨ

مولوی لطف علی گڑھی نجڑاں موجودہ ضلع رحیم یار خان وِچ 1715ء وِچ ڄَمّے ہَن۔ اِنّھاں دے پِیؤ دا ناں غلام علی ہِے۔ اَتے ذات نجڑا ہِے۔ ڄَمَّݨ دی تاریخ وِچ کُجھ جھیڑا ہِے۔ اَڄّو وی نجڑا قوم ضلع رحیم یار خان وِچ اَباد ہِے۔ مولوی لُطف علی اُتے عرفان احمد نجڑا دا تحقیقی خط سیفل نامہ بالتحقیق وِچ چَھپّیا ہِے۔

تعلیم

مولوی لُطف علی نے ابتدائی تعلیم بہادر پور وِچ حاصل کیتی جِتّھاں اُنّھاں دے پِیؤ پڑھین٘دے ہَن بعد وِچ گڑھی اختیار خان وِچ وی تعلیم حاصل کیتی۔ عربی، فارسی دی کُجھ تعلیم ملتان وِچ وی حاصل کیتی کُجھ مُد نواب بہاول خان ثانی دے دربار نال جُڑے ریہے اِیں وجہ کنوں اُنّھاں دے ناں دے نال ملتانی اَتے بہاولپوری لڳدا ہِے۔

تصنیفاں

• قدسی نامہ
• قصیدہ مخدوم جہانیاں جہاں گشت
• دوہڑے
• سیفل نامہ مہان٘درے ہِن۔

نمونہ کلام

واہ صاحب سبحان سچا جیں جوڑ جہان ڈکھایا..

خاک اتے افلاک منظم غیر ستون کھڑا....

نال حکم دے ساں جوہر کار حکیم جڑیندا....

تارے آمن تارے کوں شہہ تارے سخت لڑھیندا....

نہ ہس نزدیک رفیق کوئی ہر بات بنڑیندا آپے...

ہر ویلھے ہر ساعت قادر قدرت سیتی جاپے...

ٻِیا احوال

لطف علی دی شاعری وچ قدسی نامہ قصیدہ مخدوم جہانیاں، جہاں گشت، ڈوہڑے اتے مثنوی سیفل نامہ مشہور ہن. البتہ انہاں دی بنیادی شہرت سیفل نامہ ھے. میں یعنی (رفیق احمد تائب) جڈاں مجاہد جتوئی صاحب نال ملاقات کیتی تاں انہاں دے نال لطف علی صاحب دا کافی ذکر تھیا کیوں جو مجاہد جتوئی صاحب سیفل نامہ تے تحقیق کریندے پن اور ان شاءاللہ جلد ہی لطف علی دا کلام تساڈے سامنڑے ہوسے انشاءاللہ

وفات

مولوی لُطف علی 1796ء وِچ جھوک لݙا ڳئے اُنّھاں دا مزار مخدوم عماد الدین اَتے اُنّھاں دی تحریک اُتے گورنر پنجاب مخدوم سجاد حسین قریشی نے تعمیر کروایا ہَئی مزار مؤ مبارک تحصیل و ضلع رحیم یار خان وِچ ہِے۔