لاڈو دی پلی

وزیر آباد توں سیالکوٹ دی طرف سفر کرو تاں سوہدرہ توں پہلے سڑک تے نالہ عبور ٹپݨ کیتے ہک چھوٹا پل موجود ہے جیہڑا لاڈو دی پلی دے ناں نال مشہور ہے۔ پروفیسر ڈاکٹر احمد حسین قریشی ایندے بارے وچ لکھدن کہ سیالکوٹ دی طرف توں ہک نوی کنوار دی ڈولی وزیر آباد آندی پئی ہئی جݙݨ دلہن کوں ڈولی توں لہہ کے نالہ عبور کرݨ کیتے آکھیا ڳیا تاں اوں نے آکھیا کہ میݙے پیو کوں آکھو ایں نالہ تے پلی بݨوا ݙیون میں ڈولی توں لہہ کے نالہ عبور نہ کریساں۔ رئیس پیو نے اپݨی لاڈو رانی دی خواہش پوری کریندے ہوئے ایں برساتی نالہ تے پل بݨوایا جیہڑا لاڈو دی پلی دے ناں نال مشہور تھی ڳیا۔ ݙوجھی روایت دے مطابق شاہ جہانی قافلہ نے برساتی نالہ دے قریب ڈیرے لائے ایں قافلہ وچ ہک دائی لاڈو ہئی جیندے ہتھوں شاہ جہاں دی پیدائش تھئی۔ ایں قافلہ دی سہولت کیتے شاہ جہاں نے اتھاں پل تعمیر کرݨ دا حکم ݙتا جیہڑا ایں دائی دے ناں دی وجہ توں لاڈو دی پلی دے ناں نال مشہور تھی ڳیا۔