لانگ مارچ تے سوجھل دھرتی واس
لانگ مارچ تے سوجھل دھرتی واس
جے تائیں بال نہ رووے ما وی کھیر نئیں ڈیندی۔ 15 اکتوبر دے ڈینہہ سب سوجھل سوچ دے سرائیکی ساتھی کٹھے تھیسن ہکو کٹھ بنڑیسن ابھے ڈو منہ کر تے ٹردے اوسن آہدے اوسن دھاڑ وو ابھا کھادی ویندے نعرے دے سنگ جھمراں جھمریں دے سنگ گیت سنگیت۔ سارے فنکار ہوسن میلہ ہوسی عطااللہ عیسی خیلوی موہری ہوسی موج میلہ ہوسی۔ وسبے دے سارے فنکار پیت پریت دی میت دے وچ سر لیسن سندھو سئیں دی سیڑھ توں ولدا آوسی سندھو سائیں دی منڑ توں حق سرائیکی حق فرید ڈو ڈینہہ واراں میلہ ہوسی یاراں نال بہاراں ہوسن سوجھل سنگتی کٹھے ہوسن ہر پاسوں مست ملہاراں ہوسن خان پور دے ہک بڈھڑے صوفی کوں پیر فرید نوید ڈتی اے خواب وچالے۔
دوزخ بھا حرام تنہاں تے جیہڑے ٹرسن سنگ سرائیکیاں دے ۔ اطلاع دی اطلاع وی ہے دعا دی درخواست وی ہے صوفی تاج گوپانگ سابق صدر سرائیکی لوک سانجھ بنیادی ممبر سرائیکی صوبہ محاذ دیرینہ ساتھی بیرسٹر تاج محمد خان لنگاہ معروف شاعر ادیب سیاسی کارکن سرپرست اعلی سوجھل دھرتی واس دا لانگ مارچ والے ڈینہہ ڈاکٹر مسعود ہراج زینت میڈیکل کمپلیکس ملتان پتے اچ پتھری دا آپریشن کریسن اے گوپانگ صاحب دا تریجھا آپریشن اے ساری سنگت کوں دعا دی اپیل اے صوفی صاحب اعلان کیتے جو لانگ مارچ تے ڈو گھنٹے واسطے پڑ اچ حاضری ڈیسن پھل پویسن الوداع آکھسن۔۔۔ باقی ساری سوجھل دھرتی واس دا قافلہ سر انجینئر شاہ نواز خان مشوری۔ملک عثمان کریم بھٹہ ایڈووکیٹ۔ خواجہ صالح محمد سئیں نارووال۔ڈاکٹر نصراللہ دریشک۔ مرید حسین چاچڑ۔صفدر خان دریشک۔ساجد سمیر۔ مرتضی لاشاری۔ڈاکٹرمنصور مشوری تے باقی تمام سنگت کوٹ سبزل توں شامل تھیسن۔ زوار حسین