لانڈھی ریلوے ٹیشݨ

لانڈھی ریلوے ٹیشݨ کراچی دا ہک اہم ریلوے ٹیشݨ ہے جیہڑا شہر دے مشرقی حصے وچ قائد آباد دے نیڑے لانڈھی دے علاقے وچ واقع ہے۔ اینکوں کراچی دا تریجھا وݙا تے ݙوجھا مصروف ترین ٹیشݨ وی سمجھیا ویندے۔

ماضی وچ اے ٹیشݨ لانڈھی-کورنگی ریلوے لائن دا جنکشن ہوندا ہا پر ہُنڑ کُجھ لائناں بند تھی چکیاں ہن۔ اتھوں کجھ ٹریناں تے تمام ڈاؤن ٹریناں رکدیاں ہن یعنی کراچی توں باہر ونڄݨ آلیاں ٹریناں اتھاں ضرور رکدیاں ہن۔ ایندی اہمیت ایں ڳالھوں وی ہے جو اے کراچی دے صنعتی علاقے دے نیڑے ہے۔ اگرچہ ہنڑ ایندی پہلی رونق کجھ گھٹ تھی گئی ہے، پر ول وی اے کراچی دے ریلوے نظام دا ہک اہم حصہ ہے۔ مسافریں دی آمد و رفت اتھاں عام طور تے رہندی ہے۔