لانا ڈیل رے

Lana Del Rey
Del Rey in 2024
Born	Elizabeth Woolridge Grant (1985-06-21) June 21, 1985 New York City, U.S.
Other names	Lana Del Ray Lana Rey Del Mar Lizzy Grant May Jailer Sparkle Jump Rope Queen
Alma mater	Fordham University (BA)
Occupation	Singer songwriter
Years active	2005–present
Notable work	Discography live performances songs unreleased songs videography
Spouse(s)	سانچہ:Marriage
Awards	Full list
Musical career
Genres	Alt-pop baroque pop dream pop indie pop rock
Instrumentسانچہ:Pluralize from text	Vocals
Labels	5 Points Stranger Polydor Interscope
Website	سانچہ:Official URL
Signature

الزبتھ وولریج گرانٹ، جیڑھی پیشے دے لحاظ نال لانا ڈیل رے دے ناں توں پچھاݨی ویندی ہے، ہک امریکی گلوکارہ اتے گیت لکھاری ہے جیندا کم اوندے گلیمر اتے رومانس دے اداس کھوج پاروں مشہور ہے۔ اوندی موسیقی وچ اکثر پاپ کلچر اتے 1950 توں 1970 دی دےݙہاکےدی امریکی ثقافت دے حوالے مِلدن۔

ڈیل رے کوں اپنڑے کم پاروں کئی ایوارڈ مِل چکین، جیندے وچ ہک ایم ٹی وی ویڈیو میوزک ایوارڈ، ترائے ایم ٹی وی یورپ میوزک ایوارڈز، ݙو برٹ ایوارڈز، ݙو بل بورڈ ویمن ان میوزک ایوارڈز، اتے ہک سیٹلائٹ ایوارڈ شامل ہن۔ ایندے علاوہ، انہاں کوں یارہ گریمی ایوارڈز اتے ہک گولڈن گلوب ایوارڈ کیتے وی نامزد کیتا ڳیا ہے۔

مشہور میگزین "ورائٹی" نے انہاں کوں اپنڑے ہٹ میکرز ایوارڈز وچ "21 ویں صدی دی ساریاں توں ودھ بااثر گلوکارہ-نغمہ نگاراں وچوں ہک" قرار ݙے تے عزت بخشی۔ 2023 وچ، "رولنگ اسٹون" میگزین نے ڈیل رے کوں اپنڑی "200 بہترین گلوکاراں" دی فہرست وچ شامل کیتا، جݙاں جو ایندے برطانوی ہم منصب "رولنگ اسٹون یو کے" نے انہاں کوں "21 ویں صدی دی ساریاں توں وݙی امریکی نغمہ نگار" قرار ݙتا۔

اپسٹیٹ نیویارک وچ پرورش پاوݨ آلی ڈیل رے، 2005 وچ موسیقی دا کیریئر بݨاوݨ کیتے نیویارک شہر منتقل تھی ڳئی۔ ڈیل رے کوں اصل کامیابی 2011 وچ ملی، جݙاں انہاں دا گیت 'ویڈیو گیمز' انٹرنیٹ تے بہوں مشہور (وائرل) تھیا، جیندے نتیجے وچ انہاں پولیڈور اتے انٹرسکوپ نال ریکارڈنگ دا معاہدہ کر ڳھدا۔

انہاں اپݨے ݙوجھے البم 'بورن ٹو ڈائی' (2012) نال ناقدین اتے تجارتی طور تے وݙی کامیابی حاصل کیتی، جئیں وچ اداس مزاج اتے ہپ ہاپ موسیقی دا رنگ شامل ہا اتے ایندے وچوں 'سمر ٹائم سیڈنس' جیھا گیت نکلیا جیہڑا بعد وچ ٻہوں مشہور تھیا۔ ایں البم پوری دنیا دے کئی قومی چارٹس تے پہلی پوزیشن حاصل کیتی، اتے 2023 وچ اے کہیں زنانی فنکارہ دا ݙوجھا ایجھا البم بݨ ڳیا جئیں امریکی بل بورڈ 200 چارٹ تے 500 ہفتیاں توں ودھ عرصہ گزاریا۔

انہاں دا چھیواں البم "نارمن فکنگ راک ویل!" (2019)، جینکوں ناقدین ٻہوں پسند کیتا، 62 ویں سالانہ گریمی ایوارڈز وچ 'سال دے بہترین البم' کیتے نامزد تھیا اتے رولنگ اسٹون رسالے اینکوں "تاریخ دے 500 عظیم ترین البماں" دی فہرست وچ شامل کیتا۔

ڈیل رے دا نواں اسٹوڈیو البم "ڈڈ یو نو دیٹ دیئرز اے ٹنل انڈر اوشین بلیوارڈ" 2023 وچ جاری تھیا، ایندے نال انہاں دا مشہور گیت 'اے اینڈ ڈبلیو' وی آیا جئیں دی ناقدین ٻہوں تعریف کیتی۔ ایں ݙوجھے گیت کوں بعد وچ رولنگ اسٹون رسالے "تاریخ دے 500 عظیم ترین گیتاں" دی فہرست وچ شامل کیتا۔ بعد وچ اوں سال، انہاں اپݨا ہک ٻیا مشہور گیت 'سے یس ٹو ہیون' جاری کیتا جیہڑا بل بورڈ گلوبل 200 دے ٹاپ-20 وچ شامل تھیا۔

ڈیل رے فلمی دنیا (وژوئل میڈیا) کیتے وی ساؤنڈ ٹریکس تے کم کیتا ہے؛ 2013 وچ، انہاں ہک مختصر میوزیکل فلم 'ٹراپیکو' لکھی اتے ایندے وچ اداکاری وی کیتی، جینکوں ناقدین ٻہوں پسند کیتا۔ اوں سال انہاں رومانوی ڈرامہ فلم 'دی گریٹ گیٹس بائی' کیتے 'ینگ اینڈ بیوٹیفل' گیت جاری کیتا، جیندی ناقدین ٻہوں تعریف کیتی اتے اینکوں گریمی ایوارڈ اتے کریٹکس چوائس ایوارڈ کیتے نامزدگیاں ملیاں۔

2014 وچ، انہاں ڈارک فینٹسی ایڈونچر فلم 'میلیفیسنٹ' کیتے 'ونس اپان اے ڈریم' اتے سوانح عمری تے مبنی فلم 'بگ آئز' کیتے اوندے ناں آلا مرکزی گیت ریکارڈ کروایا، جینکوں گولڈن گلوب ایوارڈ کیتے نامزد کیتا ڳیا۔ ڈیل رے ایکشن کامیڈی فلم 'چارلیز اینجلز' (2019) کیتے وی ہک سانجھا گیت 'ڈونٹ کال می اینجل' ریکارڈ کروایا۔ ڈیل رے 2020 وچ 'وائلٹ بینٹ بیک ورڈز اوور دی گراس' دے ناں نال اپݨی شاعری اتے فوٹوگرافی دا مجموعہ وی شائع کیتا۔

ابتدائی زندگی اتے تعلیم

الزبتھ وولرج گرانٹ 21 جون 1985 کوں نیویارک شہر دے علاقے مین ہیٹن وچ ڄمی۔ انہاں دے پیو دا ناں رابرٹ انگلینڈ گرانٹ جونیئر ہے، جیہڑے گرے گروپ وچ کاپی رائٹر ہن، اتے انہاں دی ماء دا ناں پیٹریشیا این "پیٹ" گرانٹ (قبل از شادی ہِل) ہے، او وی اوں ہی ادارے وچ اکاؤنٹ ایگزیکٹو ہن۔ انہاں دی ہک نکی بھینڑ کیرولین "چک" گرانٹ اتے ہک نکا بھرا چارلی گرانٹ ہے۔

انہاں دی پرورش کیتھولک مسیحی ماحول وچ تھی ۔ اتے او سکاٹش اتے انگریز نسل نال تعلق رکھیندی ہن۔ جݙاں او ہک سال دیاں ہن، تاں انہاں دا خاندان نیویارک دے علاقے لیک پلیسڈ وچ منتقل تھی ڳیا۔لیک پلیسڈ وچ، انہاں دے پیو انٹرنیٹ ڈومین دے کاروباری سرمایہ کار بݨݨ توں پہلے ہک فرنیچر کمپنی وچ کم کریندے ہن،جݙاں جو انہاں دی ماء سکول وچ استاد ہن۔اُتھاں، انہاں اپݨی ابتدائی تعلیم سینٹ ایگنیس سکول توں حاصل کیتی اتے اپݨے چرچ دی کوائر (مذہبی گیت گاوݨ آلی ٹولی) وچ گاوݨ شروع کر ݙتا، جتھاں او مرکزی گلوکار (کینٹر) دی حیثیت نال ڳاندی ہن۔

او ہک سال تئیں اوں ہائی سکول وچ پڑھدی رہی جتھاں انہاں دی ماء پڑھیندی ہن، لیکن جݙاں انہاں دی عمر 14 یا 15 سال تھی، تاں انہاں دے والدین انہاں کوں شراب نوشی دی عادت توں چھٹکارا ݙیواوݨ کیتے کنیکٹیکٹ دے ہک ایپسکوپل بورڈنگ سکول (رہائشی سکول) 'کینٹ سکول' بھیج ݙتا۔ شراب نوشی، نشے دے نال رل تے، ہک ایجھا مسئلہ بݨ ڳئی ہئی جیہڑا انہاں دی نوجوانی وچ شروع تھیا ہا اتے اتنا سنگین تھی ڳیا ہا جو خود گرانٹ سودھے انہاں دا پورا خاندان پریشان ہا۔ گرانٹ ہک انٹرویو وچ ݙسیا: "اصل وجہ ہی ایہا ہئی جو میکوں 14 سال دی عمر وچ بورڈنگ سکول بھیجیا ڳیا—تاں جو میں نشہ چھوڑ ݙیواں۔"

انہاں دے مامے، جیہڑے اوں سکول وچ داخلے دے افسر ہن، انہاں دے پڑھݨ کیتے مالی امداد حاصل کرݨ وچ مدد کیتی۔ گرانٹ دے مطابق، انہاں کوں اپݨی نوجوانی اتے جوانی دے شروع دے سالاں وچ دوست بݨاوݨ وچ ٻہوں مشکل پیش آندی ہئی۔ انہاں ݙسایا ہے جو او نکی عمر توں ہی موت دے خیالاں وچ گم رہندی ہئی، اتے ایں سوچ دا انہاں دی پریشانی اتے تنہائی دے احساس وچ ہک وݙا کردار ہا:  جݙاں میں بہوں نکی ہم، تاں میں ایں حقیقت کوں سوچے تے حیران اتے پریشان تھی ویندی ہم جو میݙی ماء، میݙا پیو اتے ہر او بندہ جینکوں میں جاݨدی ہئی، ہک ݙینھ مر ویسن، اتے میں خود وی۔ میں ہک قسم دے فلسفیانہ بحران دا شکار تھی ڳئی ہم۔ مینکوں یقین کائناں آندا پیا ہا جو اساں فانی ہاں (مر ونجݨ آلے ہاں)۔ پتہ نئی کہیں وجہ توں، ایں گالھ میݙے ہر تجربے تے حاوی تھی ڳئی ہئی۔ میں کجھ عرصے تئیں ناخوش رہی۔ میں ٻہوں ساریاں مشکلاں وچ پے ڳئی۔ میں ٻہوں زیادہ شراب پیندی ہم۔ او میݙی زندگی دا ہک اوکھا ویلھا ہا۔ بعد وچ گرانٹ نشے چھڑاوݨ آلے مرکز (ریہب) ونجݨ کیتے سکول چھوڑ ݙتا؛ او 2003 توں نشے توں پاک ہن۔ انہاں ہک سال لانگ آئیلینڈ تے اپݨے چاچے اتے چاچی نال رہندے ہوئیں اتے ہک ویٹرس دے طور تے کم کریندے ہوئیں گزاریا۔ ایں عرصے دوران، گرانٹ دے چاچے انہاں کوں گٹار وجاوݨ سکھایا اتے انہاں کوں "احساس تھیا جو اوانہاں چھی سُراں (کارڈز) نال شاید لکھاں گیت لکھ سڳدی ہے۔"

ایندے کجھ عرصے بعد، انہاں 'اسپارکل جمپ روپ کوئین' اتے 'لزی گرانٹ اینڈ دی فینومینا' جیہے مختلف ناواں نال گیت لکھݨ اتے شہر دے نائٹ کلباں وچ پرفارم کرݨ شروع کر ݙتا۔ "میں ہمیشہ توں ڳاندی پئی ہم، لیکن اینکوں سنجیدگی نال اڳوں ودھاوݨ دا کوئی منصوبہ کائناں ہا"، انہاں آکھیا:

میں 18 سال دی عمر وچ نیویارک شہر پہنچی، میں بروکلین دے کلباں وچ گاوݨ شروع کر ݙتا - میݙے چنڳے دوست اتے مخلص پرستار انڈر گراؤنڈ سین (غیر معروف موسیقی دے حلقے) وچ ہن، لیکن اوں ویلھے اساں صرف ہک ݙوجھے کیتے ہی ڳاندے پئے ہاسے - اتے بس ایہا ہی کہانی ہئی۔

او شروع وچ نیویارک دے شہر جینیزیو وچ قائم 'سنی جینیزیو' یونیورسٹی وچ ڳئی، لیکن انہاں ہک سال دا وقفہ ڳھنݨ کیتے پڑھائی چھوڑ ݙتی۔

2004 دی خزاں وچ، 19 سال دی عمر وچ، گرانٹ نیویارک شہر دے علاقے برونکس وچ واقع فورڈہیم یونیورسٹی وچ داخلہ ڳھن ڳھدا، جتھاں انہاں فلسفے کوں اپݨا مرکزی مضمون بݨایا، اتے ایندے وچ وی انہاں دی خاص توجہ میٹافزکس (ما بعد الطبیعیات) تے ہئی۔ انہاں ݙسایا ہے جو انہاں اے مضمون ایں واسطے چُݨیا ہا کیوں جو اے "خدا اتے سائنس وچالے فاصلے کوں مکیندا ہے... میکوں خدا وچ دلچسپی ہئی اتے ایں گالھ وچ وی جو ٹیکنالوجی اساکوں اے لبھݨ وچ کیویں مدد کر سڳدی ہے جو اساں کتھوں آئے ہیں اتے کیوں آئے ہیں۔"

کیریئر

2005–2010: کیریئر دا آغاز اتے ابتدائی ریکارڈنگز

لانا ٹرنر، او فلمی اداکارہ جنہاں توں متاثر تھی تے ڈیل رے اپݨا اسٹیج دا ناں رکھیا۔

2005 دے موسمِ بہار وچ، کالج دی پڑھائی دے دوران، ڈیل رے اپݨا ست ڳووݨیاں تے مشتمل ہک ای پی (ایکسٹینڈڈ پلے) امریکہ دے کاپی رائٹ دفتر وچ رجسٹر کروایا؛ درخواست وچ ایندا ناں 'راک می اسٹیبل' ݙتا ڳیا ہا، جݙاں جو ایندا ہک ٻیا ناں 'ینگ لائیک می' وی درج ہا۔

ہک ݙوجھا ایکسٹینڈڈ پلے، 'فرام دی اینڈ'، وی اوں ویلھے دے ڈیل رے دے فنی ناں 'مئے جیلر' دے تحت ریکارڈ کیتا ڳیا۔ 2005 اتے 2006 دے درمیان، انہاں 'مئے جیلر' پروجیکٹ دے تحت 'سائرنز' دے ناں نال ہک صوتی (اکوسٹک) البم ریکارڈ کیتا، جیہڑا 2012 دے وسط وچ انٹرنیٹ تے لیک تھی ڳیا۔  میں موسیقاراں دے ہک اعلیٰ طبقے دے حلقے دا حصہ بݨݨا چاہندی ہئی۔ ایندی ادھی وجہ اے ہئی جو میݙے بہوں سارے دوست کائنی ہن، اتے میں امید کریندی پئی ہم جو میں لوکاں نال ملساں، میکوں محبت تھی ویسی اتے میں اپݨے آلے دوالے ہک برادری (یا حلقہ) بݨا ڳھنساں، جیویں لوک '60 دی دہائی وچ کریندے ہن۔ —ڈیل رے وضاحت کریندے ہوئیں جو او موسیقی دی صنعت وچ کیوں آئیاں۔ 2006 وچ ولیمزبرگ لائیو سونگ رائٹنگ کمپیٹیشن (گیت لکھݨ دے مقابلے) دے دوران اپݨی پہلی عوامی پرفارمنس تے، ڈیل رے دی ملاقات 5 پوائنٹس ریکارڈز دے اے اینڈ آر (A&R) نمائندے وین ولسن نال تھی۔ اے ہک آزاد لیبل ہے جیندے مالک ڈیوڈ نکٹرن ہن۔

2007 وچ، فورڈہیم یونیورسٹی وچ اپݨے آخری سال دے دوران، انہاں 'نو کنگ فو' دے ناں نال اپݨے صوتی (اکوسٹک) ڳاوݨ دا ہک ڈیمو ٹیپ 5 پوائنٹس کوں جمع کروایا، جیندے جواب وچ لیبل انہاں کوں 10,000 ڈالر دے ریکارڈنگ معاہدے دی پیشکش کیتی۔ انہاں اے رقم نیو جرسی دے علاقے نارتھ برجن وچ واقع مین ہیٹن موبائل ہوم پارک (جیہڑا ہک ٹریلر پارک ہا) وچ منتقل تھیوݨ کیتے استعمال کیتی اتے پروڈیوسر ڈیوڈ کاہن نال کم کرݨ شروع کر ݙتا۔

نکٹرن یاد کریندے ہوئیں آکھیا: "اساݙا منصوبہ ہا جو سب کجھ منظم کر ڳھنوں اتے ہک ریکارڈ تیار ہووے تاں جو او کالج توں فارغ تھیوݨ دے فورا بعد ٹور پئی کریسی۔ ٻئے ٻہوں سارے فنکاراں وانگوں، او بدل ڳئی۔ جݙاں او پہلی واری اساں کنوں آئی ہئی، تاں او ہک نکے جہے صوتی گٹار تے سادی دُھن پئی وجیندی ہئی، اوندے وال سنہری اتے سِدھے ہن، ہک ٻہوں پیاری نوجوان زنانی۔ تھوڑی سنجیدہ مزاج ہئی، لیکن ٻہوں ذہین۔ اساں اے محسوس کر ڳھدا ہا۔ لیکن او ٻہوں جلدی نال خود کوں بدلیندی رہی۔" [٢]

ڈیل رے 2008 وچ فورڈہیم یونیورسٹی توں فلسفے وچ بیچلرز آف آرٹس (بی اے) دی ڈگری نال فارغ التحصیل تھیاں، ٻئےحوالیاں دی لوڑھ ہے جیندے بعد انہاں 'لزی گرانٹ' دے ناں نال 'کِل کِل' ای پی جاری کیتی جئیں وچ تریھ گیت ہن اتے ایندی پروڈکشن کاہن کیتی ہئی۔ انہاں وضاحت کریندے ہوئیں آکھیا: "ڈیوڈ میݙا ڈیمو ملݨ دے صرف ہک ݙینھ بعد میڈے نال کم کرݨ کیتے آکھیا۔ او ہک ایجھے پروڈیوسر دے طور تے مشہور ہن جیہڑے ٻہوں بااصول ہن اتے او ایجھی موسیقی بݨاوݨ وچ دلچسپی رکھیندے ہن جیہڑی صرف پاپ موسیقی نہ ہووے۔"

ایں دوران، ڈیل رے بے گھر اتے نشے دے عادی لوکاں کیتے سماجی خدمت دا کم وی پئی کریندی ہئی؛ انہاں کوں ایں کم وچ دلچسپی کالج دے زمانے وچ تھی ہئی، جݙاں انہاں "مقامی امریکی آبادی (نیٹو امریکن) دی رہائشی جاہ تے گھراں کوں رنگ روغن کرݨ اتے انہاں دی نویں سِرے توں تعمیر کرݨ کیتے ملک دے ہک سرے توں ݙوجھے سرے تئیں سفر کیتا ہا۔"