لالہ رخ

لالہ رخ
لالہ رخ
معلومات شخصیت
ڄَمّݨ دی تریخ تے جاء	7 جولائی 2017ء لاہور
فوتڳی دی تریخ تے جاء	7 جولا‎ئی 2017ء (69 سال)  لاہور
قومیت	پاکستان
عملی حیاتی
پیشہ	استاد، زنانیاں دے حقوق دی کارکن، آرٹسٹ
مہان٘درے کَم	ویمن ایکشن فورم دی بانی رکن

لالہ رُخ (اردو: لالہ رخ) (29 جون 1948ء – 7 جولائی 2017ء) ہِک ممتاز پاکستانی اُستانی، زنانیاں دے حقوق دی کارکن اَتے فنکار ہَن جئیں ویمن ایکشن فورم دی بانی دے طور تے سُن٘ڄاݨیا وین٘دا ہِے۔

تعلیم اَتے پیشہ ورانہ حیاتی

لالہ رُخ نے پنجاب یونیورسٹی، لاہور اَتے یونیورسٹی آف شکاگو، امریکا وِچ فائن آرٹس وِچ ماسٹر کِیتا۔ انّھاں نے ترِیہ سال تئیں پنجاب یونیورسٹی، فائن آرٹ دے سیکشن وِچ اَتے نیشنل کالج آف آرٹس، لاہور وِچ پڑھا جتّھاں 2000ء وِچ، انّھاں نے ایم اے (آنرز) بصری آرٹ پروگرام شروع کِیتا۔ انّھاں کوں ترکی اَتے افغانستان وِچ تعلیم گِھنّݨ کِیتے انجو انج سرکاری سفری گرانٹ نال نوازیا ڳِیا ہَئی۔

آرٹ دا کَم

لالہ رُخ دے فنکارانہ کَم وِچ سیاسی کولاجاں اَتے پوسٹراں کنوں گِھن تے مراقبہ اَتے سحر انگیز ڈراؤنگ تئیں شامل ہِن۔

زنانیاں دے حقوق دی کارکن

لالہ رُخ ویمن ایکشن فورم (ڈبلیو اے ایف) دی بانی ممبر ہِن۔

ہِک واری ول مشرف دی آمریت دے  دور وِچ، جہڑیلے ایمرجنسی نافذ کِیتی ڳئی تاں، اُوہ ڈبلیو اے ایف دے ٻئے 50 رکناں دے نال گرفتار تھی ڳئی۔

لالہ رُخ لاہور وِچ ڈبلیو اے ایف دیاں سرگرمیاں وِچ سرگرمِ عمل ہَن، جہڑیلے حکومت دے حکم تے مقامی پرنٹرز نے نیوز لیٹر اَتے احتجاج دے مواد کوں چھاپݨ کنوں انکار کر ݙِتّا۔ لالہ رُخ دا 7 جولائی 2017ء کوں 69 ورھیاں دی عُمر وِچ کینسر دی وجہ کنوں انتقال تِھیا۔