لارڈ ماؤنٹ بیٹن
لوئس ماؤنٹ بیٹن المعروف لارڈ ماؤنٹ بیٹن برطانوی سیاست دان، برطانوی بحری فوج دا افسر تے متحدہ ہندوستان دا آخری جبکہ آزاد بھارت دا پہلا گورنر جنرل ہئی۔ ہندوستان دا آخری وائسرائے بݨݨ توں پہلے ایندی وجہ شہرت ایہ ہئی کہ ݙوجھی عالمگیر جنگ دے آخری لمحات وچ اینکوں برطانوی بحریہ دی جنوب مشرقی ایشیا دی کمان دا سپریم الائیڈ کمانڈر بݨا ݙتا ڳیا۔
وفات
[لکھو | ماخذ وچ تبدیلی کرو]ماؤنٹ بیٹن کوں 27 اگست 1979ء وچ آئرش علیحدگی پسنداں نے ہک حملے وچ قتل کر ݙتا جݙݨ اوہ آئرلینڈ دے ساحلی علاقے وچ اپݨی کشتی تے مچھی دے شکار کیتے نکلا ۔ اوں وقت اوندی عمر 79 سال ہئی۔ لارڈ ماؤنٹ بیٹن دی کشتی کوں دھماکے نال اْݙایا ڳیا ہئی، ایہ کوئی حادثہ نہ ہئی بلکہ حملہ آوراں دا نشانہ ماؤنٹ بیٹن ہی ہئی۔ دھماکے وچ ماؤنٹ بیٹن دے نال اوندے خاندان دے کئی ٻئے افراد وی ہلاک تھئے ہن۔ برطانیہ دا شاہی خاندان اڄ وی ماؤنٹ بیٹن تے اوندی خدمات کوں نی بھلا ،اونکوں یاد رکھݨ دا اندازہ ایں ڳالھ توں لویج سڳدے کہ شہزادہ ولیم دے گھر پیدا تھیوݨ والے تریجھے ٻال دا ناں لوئس رکھا ڳئے جیہڑا لارڈ ماؤنٹ بیٹن دا اصل ناں ہئی۔ نکے شہزادے دا نام لوئس آرتھر چارلس ہے۔