قینچی

قینچی کوں  سرائیکی ءِچ نقراض اَکھیندن ، پر میں  جیرھی قینچی دی ڳالھ کریندا پیاں  او سائیکل آلی قینچی ءِ۔ سب توں  پہلے قینچی تے سائیکل چلاوݨ سکھیا ۔ میکوں  یاد ءِ، میݙا مسات شکور تے میں  قینچی تے سائیکل چلاوݨ سکھدے ودے ہاسے ۔ مسات شکور سائیکل توں  ڈھہ پیا تے اوندا ݙند تُرٹ ڳیا ہا ۔نِکے سُکے دھک تاں  میں  وی ڈھیر کھادے ہن پر شکر ءِوݙے دھک توں  بچ ڳیم ، ہر کولیس کمپنی دا سائیکل ہا ۔ ابے کنوں چوری چھک ویندا ہم اوں  ویلے ہرکولیس سائیکل دی اتنی پھوت ہوندی ہئی اَڄ جتنی پجارو دی ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان