قید زندگی

اساں ہک پروگرامڈ روبوٹس دے جتھے اچ راہندے پیوں، اے ہک سوفٹ ویر گیم ہووے جیویں ، جیڈو کیڈو بندوخاں قتل کرنڑ آلے اوزار، نفرت ،جنگ، شدت پسندی ، انسان دشمنی تاں سہنڑپ سمجھیا ویندے ایں معاشرے وچ۔ پروگرامر خرچہ کیتے کماونڑ سانگے، اساں لڑسوں اساں بھڑسوں اساں یاخڑ باخڑ کریسوں تاں اوندا پروگرام چلسی، اوندی کوشش ہے جو اساں سرمایہ دار دو نہ ڈیکھوں، ریاست ساڈی زمین ساڈی فصل ساڈے مال اتے عزت کوں ہئی حرام کر تیں ایندا الزام انھاں لوکاں دے سر ڈے کے جیہرے ساڈے حقوق سانگے لڑدے اتے مردے ودن آپنڑاں غلیظ چہرہ مقدس اتے صاف ستھرا پیش کر کے معزز بنڑی بیٹھی ہے، ایں گیم اچ ہک اتلا طبقہ ہے، اے طبقہ بہوں معزز تے مقدس ہے۔ آدھل اچ اساں اوں، ہیٹھو غریب مزدور ہن۔ ادھلے طبقے کوں ودھا تے انھیں اچو ہک خاص ترتیب نال احساس مکا ڈتا گئے، ذہنی طور تیں اساں سرمایہ دار تیں مذہبی پھکی ویچنڑ آلے دے غلام ہسے بھل جو روبوٹاں دا آپنڑیں دماغ تیں کنٹرول ہوندا تاں اے غریباں واسطے کوششاں کرنڑ آلیں کوں غدار نہ آھدے اے دھشتگردی کرنڑ آلیں کوں قوم دے پتر تیں دھیریں نہ آھدے اے نفرت دی بنیاد تے قتل تھیونڑ آلے استاد نال ہمدردی دے بجائے گندی سوچ دے پیروکار نینگر کوں ہیرو نہ بنڑیندے لیکن افسوس پڑھیے لکھیے لوکاں دی محنت تیں پانڑی پھیرنڑ سانگے ہک خدا دے ناں دا نعرہ بہوں تھی پوندے۔ (مظہر حسین)