قوم پرست، دانشور، شاعر، ادیب

اے او لوک ہن جنھیں کوں عوام دی ملکیت آکھیا ویندے مگر افسوس ھے اے لوک وی فرقہ پرستی ءچ آ کے اینجھے بڑدول مریندن کہ انھیں دی تقلید کرنڑ آلے لوک سوچنڑ لگ ویندن اے قوم پرستی دا چولا پاء کے فرقہ پرستی کوں ہوا ڈیندے پئین ،دھرنے دے موقع تیں اہل تشیع قوم پرستیں دا لہجہ انتہائ مایوس کن ھا ، ٹھیک ھے تساں خادم رضوی نال اتفاق نیں کریندے نہ کرو مگر اینجھاں گالھیں وی نہ لکھو کہ تھاڈے اندر دا قوم پرست مر ونجے صرف فرقہ پرست ول بچے اے ضروری نیں تھاڈے نال محبت صرف اہل تشیع کریندن بلکہ سارے فرقے دے لوک تھاکوں عزت نال ڈیھدن کہ اے بندہ ساڈی آواز ھے.

ہک وڈے محقق تیں سرائیکی قوم پرست پردھان قسم دے بندے پوسٹ ھئ مولانا سمیع الحق شھید دے جنازے دے بارے ،موصوف لکھیے اگر جنازے فیصلہ کریندن پچھیں تاریخ ءچ وڈا جنازہ جمال الدین ناصر دا ھا جنھیں علماء کوں سیدھا کیتا ھا ،یعنی موصوف دا فرقہ پرستی آلا کیڑا جلُول کریندا کھڑے ، ہک نامی گرامی سرائیکی شاعر دے دی پوسٹ ھئ بچھڑا کچھ اس ادا سے کہ رت ھی بدل گئ ،،اتناں لکھ کے موصوف فرمائے میکوں اگلا مصرعہ نیں آندا ،،کجھ لوکیں کمنٹس ءچ آپڑیں نسل ظاہر کریندے ھوئیں چبلیاں ماریاں آخر کار محترم شاعر کوں پوسٹ ڈلیٹ کرنڑی پئے گئ ھے، پہلے فرقہ پرستی ساکوں کتھاں آن کھڑائے ہتھ کوں ہتھ نیں سُجھدا اگر تساں لوک وی ایں راستے تیں ٹُر پئے پچھیں ستے خیراں ہن ہاں اگر فرقہ پرستی کرنڑی ھے پچھیں اے شعراء ادیب محقق تے دانشوریں آلا چُولا لہا کے ہکے حمام ءچ ننگے تھی کھڑو اگر منزل دی تلاش ءچ ھاؤ او ہالی پریں ھے بغیر ایڈیں اُڈیں ڈیھدیں سفر جاری رکھو،،،،،جمیل بلوچ