قومی زباناں دا مسئلہ

تمام دوستاں کوں گزارش ہے جو ایں ایشو تے میڈی تمام پوسٹس تہاڈی ملکیت ہن ۔۔ انہاں پوسٹاں کوں اپنْی تے اپنْے دوستاں دی وال تے زیادہ کنیں زیادہ شئیر کرو۔۔۔۔ بحث کرو تے کراؤ۔۔۔۔۔ یاد رکھاہے اساڈی پیپلزپارٹی نال کوئی جھیڑا ذاتی نہ ہا سوائے جمہوری اصولاں توں انحراف تے اختلاف ضرور ہا پر ہُنْ اے ذاتی روحانی نظریاتی تے جمہوری اختلاف دا جھیڑا بنْ گئے کیوں جو اج اساڈی دھرتی دی ہزارہاں وریہیاں دی مقدس صوفیاء دی سرائیکی زبان ، تہذیب قوم تے اندے نال جُڑے سرائیکی صوبے دے سیاسی سوال کوں آئینی تے قانونی طریقہ نال زندہ دفنا ڈتا گئے۔ اج اساں پاکستان دے چاریہاں صوبیاں ءچ وسنْ آلے سرائیکی اپنْے اپنْے صوبیاں ءچ کُرد بنْ گئے ہیں جیہڑے آبادی ءچ پنج ملکاں ءچ وسدن پر آپنْا نہ ملک ء نہ وطن ء نہ صوبہ ء تے نہ ای کوئی اپنْی نویکلی سیاسی حیثیت تہوں دنیا دے کھلے بے وطنی دربدر پسماندگی مقدر ء ۔۔۔۔۔۔ جی ہا اساڈے توں اج اساڈا سب کُجھ چھک گدے نے۔۔۔۔۔۔ ہُنْ سرائیکی صوبہ دا خواب صرف ہک خواب رہ ویسی جتھ اساڈی نسلاں وقت دے نال نال پنجاب ءچ پنجابی۔۔۔۔ سندھ ءچ سندھی، بلوچستان ءچ بلوچی تے پختون خواہ ءچ پختون بنْ تے معاشی غلام سڈویسن۔۔۔۔۔۔۔۔اے اساکوں غلامی دا تحفہ اساڈی اپنْی پیپلز پارٹی ڈتے۔۔۔۔۔۔ کیا بی بی دے ہوندے کہیں دی جُراءت ہائی جو سرائیکیاں نال کوئی اینویں ہتھ کرے ۔۔۔۔۔۔ وت آخر اے کون لوک ہن جنہاں پہلے بی بی نال ہتھ کیتے وت پیپلزپارٹی نال ہتھ کیتے تے ہُن بی بی تے بھٹو دی موہنْی تے من بھاونْی سرائیکی قوم نال ہتھ کیتے جیہڑے اساکوں سرائیکی صوبے دی پارتاں شارتاں تے وعدے ڈیندے قبراں ونج سُتے جنہاں مردے ویہلے چھیکڑی ساہ نال جو" درداں دی ماری ۔۔۔۔۔۔" آکھ تے پھاسی چڑھ گئے اج انھاں دے وارثاں سرائیکی زبان کوں خود پھاسی لاتے مُکا چھوڑے۔۔۔

شہزاد عرفان