قومی رویے

ﺟﯿﺮﮬﯽ ﻗﻮﻡ ﺍﺟﺎﮞ ﺗﺌﯿﮟ ﻧﯿﻠﯽ ﺭﺗﯽ ﺑﺘﯽ ﺁﻟﮯ ﭼﺎﺭﺟﺮ ﺳﺎﺭﯼ ﺭﺍﺕ ﺑﻮﮈ ﺗﯿﮟ ﻻﺀ ﮐﮯ ﺯﯾﺮﻭ ﺑﻠﺐ ﺩﺍ، ﺗﯿﮟ ﭼﺎﺭﺟﺮ ﺩﺍ ﮐﻢ ﮔﮭﻨﺪﯼ ﮬﮯ، ، ﺟﯿﺮﮬﯽ ﻗﻮﻡ ﮐﮩﯿﮟ ﻻﺵ ﮐﻮﮞ ﮨﺴﭙﺘﺎﻝ ﻧﮧ ﭘُﺠﯿﺴﻦ ﻣﮕﺮ ﮐﮩﯿﮟ ﺗﺮﯾﻤﺖ ﺩﺍ ﺑﻮﭼﮭݨ ﻟﮍﮐﺪﺍ ﻭﺩﺍ ﮬﻮﻭﮮ ﺍﻭﻧﺪﮮ ﭘﭽﮭﻮﮞ ﻣﻮﭨﺮﺳﺎﺋﯿﮑﻞ ﺑﮭﺠﺎ ﮐﮯ ﺍﮮ ﺿﺮﻭﺭ ﻭﻧﺞ ﺁﮐﮭﺴﻦ ﺍﺩﺍ ﮐﭙﮍﺍ ﺟﻮﮌ ﮔﮭﻨﻮ،

ﺟﯿﺮﮬﯽ ﻗﻮﻡ ﮈﯾﻨﮫ ﮐﻮﮞ ﻣﻮﭨﺮ ﺳﺎﺋﯿﮑﻞ ﺩﯼ ﮬﯿﮉ ﻻﺋﭧ ﺑﻠﺪﯼ ﮈﯾﮑﮫ ﮐﮯ ﺑُﺠﯿﮟ ﺩﺍ ﺍﺷﺎﺭﮦ ﮐﺮﮐﮯ ﻻﺋﭧ ﺑﻨﺪ ﮐﺮݨ ﺩﺍ ﺍﺷﺎﺭﮦ ﮐﺮﯾﻨﺪﯼ ﮬﻮﻭﮮ، ﺑﺴﮑﭧ ﭼﺎﮦ ﺀﭺ ﺑُﻮﮌ ﮐﮯ ﺍﺩﮬﺎ ﺑﺴﮑﭧ ﭘﯿﺎﻟﮯ ﺀﭺ ﮈﮬﻮﺍ ﮐﮯ ﺍﯾﮉﮮ ﺍﯾﮉﻭﮞ ﮈﯾﮑﮫ ﮐﮯ ﭼﺎﮦ ﺀﭺ ﮔﮭﻮﻝ ﮐﮯ ﭘﮯ ﭼﮭﻮﮌﯾﻨﺪﯼ ﮬﻮﻭﮮ،

ﺟﯿﺮﮬﯽ ﻗﻮﻡ ﺩﮮ ﻧﮏ ﺗﯿﮟ ﻣﮑﮭﯽ ﺑﯿﮧ ﻭﻧﺠﮯ ﺍُﻭ ﺑﺠﺎﺋﮯ ﮨﺘﮫ ﻧﺎﻝ ﺍُﮈﺍﻭݨ ﺩﮮ، ﻣﻮﻧﮫ ﺩﯾﺎﮞ ﻋﺠﯿﺐ ﻋﺠﯿﺐ ﺷﮑﻼﮞ ﺑݨﺍ ﮐﮯ ﻣﮑﮭﯽ ﺍُﮈﯾﻨﺪﯼ ﮬﻮﻭﮮ، ﺟﯿﺮﮬﯽ ﻗﻮﻡ ﺩﯾﺎﮞ ﺗﺮﯾﻤﺘﯿﮟ ﮐﮩﯿﮟ ﺟﻮﺍﻥ ﺩﯼ ﻣﯿﺖ ﺗﯿﮟ ﻭﻧﺠݨ ﻭﺍﺳﻄﮯ ﺩﺭﻭﺍﺯﮮ ﺗﮏ ﻭﯾﻨﺪﯾﮟ ﮬﻮﺋﯿﮟ ﮐﮭﻠﺪﯾﺎﮞ ﮬﺴﺪﯾﺎﮞ ﮬﻮﻭﻥ ﻣﮕﺮ ﻣﯿﺖ ﺩﯼ ﻭﺍﺭﺙ ﻧﺎﻝ ﮔﻞ ﻟﮕﺪﯾﮟ ﮬﻮﺋﯿﮟ ﭘﺎﮞ ﭘﺎﮞ ﺷﺮﻭﻉ ﮐﺮ ﮈﯾﻮﻥ ﺗﯿﮟ ﮔﻞ ﮐﻨﯿﮟ ﮬﭧ ﮐﮯ ﺍﮔﺮ ﻣﺮﺩ ﺩﯼ ﻻﺵ ﮬﮯ ﺗﺮﯾﻤﺖ ﺩﺍ ﮔﮭﻮﭦ ﮔﻮﻟﯿﻨﺪﯾﺎﮞ ﺑﯿﭩﮭﺎ ﮬﻮﻥ، ﺟﯿﺮﮬﯽ ﻗﻮﻡ ﮐﻮﮞ ﺳﺘﺮ ﺳﺎﻝ ﮐﻨﯿﮟ ﭼﻨﺪ ﻟﻮﮎ ﺑُﮭﻮﻟﻮﮞ ﺑݨا ﮐﮯ ﻭﻭﭦ ﮔﮭﻨﺪﮮ ﮬﻮﻭﻥ ﻟﯿﮑﻦ ﻭﺕ ﻭﯼ ﺳﯿﺎݨﮮ ﺳﮉﻭﯾﻨﺪﮮ ﮬﻮﻭﻥ، ﮈﺍﮌﮬﯽ ﻣﻮﻥ، ﺑﮯ ﻧﻤﺎﺯﯼ، ﮐﺘﮯ ﭘﺎﻟݨ ﺁﻟﮯ ﮐﻮﮞ ﭘﯿﺮ ﻭﻣﺮﺷﺪ ﺳﻤﺠﮫ ﮐﮯ ﮨﺘﮫ ﭘﯿﺮ ﭼُﻤﺪﯼ ﮬﻮﻭﮮ ﺭَﻧﺎﮞ ﺟﻮﺍﻥ ﮐﭩﮭﮯ ﺩﮬﻤﺎﻻﮞ ﭘﺎﺀ ﮐﮯ ﭘﯿﺮ ﻣﻨﯿﺪﮮ ﮬﻮﻭﻥ، ﺟﯿﺮﮬﯽ ﻗﻮﻡ ﮬﯿﺠﮍﯾﮟ ﺗﯿﮟ ﮐﻨﺠﺮﯾﮟ ﺗﯿﮟ ﻟﮑﮭﺎﮞ ﺭﻭﭘﮯ ﺿﺎﺋﻊ ﮐﺮ ﮈﯾﻨﺪﯼ ﮬﻮﻭﮮ ﻣﮕﺮ ﮬﻤﺴﺎﺋﮯ ﺩﮮ ﺑُﮭﮑﮯ ﺑﭽﮯ ﺗﯿﮟ ﻧﻈﺮ ﻧﮧ ﻣﺮﯾﻨﺪﯼ ﮬﻮﻭﮮ، ﻏﯿﺮﺕ ﺩﮮ ﻧﺎﮞ ﺗﯿﮟ ﺻﺮﻑ ﺩﮬﯽ ﺑﮭﯿݨ ﮐﻮﮞ ﺯﺑﺢ ﮐﺮﮐﮯ ﭘُﺘﺮ ﺗﯿﮟ ﺑﮭﺮﺍ ﮐﻮﮞ ﺑﭽﺎﻭݨ ﮐﯿﺘﮯ ﭘﮕﺎﮞ ﭘﯿﺮﯾﮟ ﺳﭩﯿﻨﺪﯼ ﮬﻮﻭﮮ، ﺟﯿﺮﮬﯽ ﻗﻮﻡ ﺩﮮ ﻧﻮﺟﻮﺍﻥ ﺍﺟﺎﮞ ﺗﺌﯿﮟ ﮬﮏ ﮈﻭﺟﮭﮯ ﮐﻨﯿﮟ ﮐﮩﯿﮟ ﭼﮭﻮﮐﺮﯼ ﺩﺍ ﻧﻤﺒﺮ ﻣﻨﮕﺪﮮ ﮬﻮﻭﻥ ﺍﯾﮟ ﺳﻮﭺ ﺗﯿﮟ ﮐﮧ ﮐﮩﯿﮟ ﺩﯼ ﻋﺰﺕ ﻧﺎﻝ ﭨﺎﺋﻢ ﭘﺎﺱ ﮐﺮﯾﺴﻮﮞ،

ﺟﯿﺮﮬﯽ ﻗﻮﻡ ﮐﻮﮞ ﺍﺟﺎﮞ ﺗﺌﯿﮟ ﺍﮮ ﭘﺘﮧ ﻧﮧ ﻟﮕﺎ ﮬﻮﻭﮮ ﺳﺎﮈﺍ ﺭﮬﺒﺮ ﮐﻮﻥ ﺗﯿﮟ ﺭﮬﺰﻥ ﮐﻮﻥ ﮬﮯ، ﻓﯿﺲ ﺑﮏ ﺗﯿﮟ ﮬﺰﺍﺭﺍﮞ ﺩﻭﺳﺖ ﮬﻮﻭﻥ ﺳﮑﮯ ﺑﮭﺮﺍ ﻧﺎﻝ ﺍﻻ ﺑﻮﻝ ﻧﮧ ﮬﻮﻭﮮ، ﮬﺮ ﻏﻨﮉﮮ ﺑﺪﻣﻌﺎﺵ ﭼﻮﺭ ﮈﺍﮐﻮ ﻟﭩﯿﺮﮮ ﺭﮬﺰﻥ، ﺩﺭﻧﺪﮮ ﮐﻮﮞ ﻭﻭﭦ ﮈﮮ ﮐﮯ ﺩﻋﺎ ﻣﻨﮕﺪﯼ ﮬﻮﻭﮮ ﻣﻮﻻ ﮐﺮﯾﻢ ﻋﻤﺮ ﭘﺎﮎ ﺟﮭﺌﯿﺎﮞ ﺣﮑﻤﺮﺍﻥ ﻋﻄﺎ ﮐﺮݨ ﺩﯾﺎﮞ ﺩﻋﺎﺋﯿﮟ ﻣﻨﮕﺪﯼ ﮬﻮﻭﮮ ﺍﯾﻨﺠﮭﯽ ﻗﻮﻡ ﮐﻮﮞ ﺳﻤﺠﮭﺎﻭݨ ،ﺑﻘﻮﻝ ﻣﯿﮉﮮ ﭼﮫ ﺳﺎﻝ ﺩﮮ ﭘﺘﺮ ﺩﮮ ﺍُﭨﮫ ﮐﻮﮞ ﭘﺌﯿﻤﭙﺮ ﭘﺎﻭﺍﻭݨ ﺁﻟﯽ ﮔﺎﻝ ﮨﮯ. ﺟﻤﯿﻞ ﺣﯿﺪﺭﯼ