قمر زمان قمر

اصل ناں       قمر زمان

تخلص          قمرؔ

ڄمݨ           1976ء

تعلیم           ایف ایس سی

پیشہ            میڈیکل پریکٹیشنر

فون نمبر        0344 8007076

جاہ پتہ         موضع فتح چدھرڑ تحصیل و ضلع ٹانک

(1)غزل

پیاری دنیا پیارے لوک

وسدے رہون سارے لوک

اِتھاں ہک تے اُتھاں بٖئی

ونجٖ لیندن ڈٖو دھارے لوک

جھُگٖی میڈٖی سڑدی ڈٖیکھ

آ گٖئے چاکے ڈھارے لوک

اکھّیں آن رُوئیندن کیوں؟

اکھیں دے اے تارے لوک

اوکوں کتنے پیارے ہن

جوڑئین جئیں اے پیارے لوک

کہیں کوں قمرؔ کجھ نہ آکھ

جو آکھن تئیں بارے لوک

٭٭٭