قمرقتال پوری
اصل ناں غلام عباس
قلمی ناں قمر قتال پوری
جٖمنْ 1960ء
تعلیم ایف ۔اے
پیشہ ملازمت(لوکل گورنمنٹ)
فون نمبر 0345 7470650
جاہ پتہ قتال پور تحصیل کبیر والاضلع خانیوال
شعری مجموعہ ’’چھالے ‘‘ دے خالق قمر قتال پوری دے حوالے نال منظور حسین سوختہ (مرحوم) لکھدن جو ’’قمر قتال پوری دیاں اپنْیاں وی کجھ مجبوریاں ہوسن ، پر آلے دوالے واسی وسیب دے مجبور تے غریب لوکاں دیاں مجبوریاں تے محرومیاں دا انہاں کوں ڈھیر فکر رہندا ہے ۔تے انہاں دی ہر دور اچ کیتی ونجٖنْ آلی حق تلفی دے ازالے تے انہاندے جائز حقوق منگنْ دی بے وقوفی اچ اوہ ساریاں حداں پار کر ویندے ‘‘ بہر حال قمرؔ قتال پوری جھنگوی لہجے دے شاعر ہن ، بنیادی طور تے اوہ ڈٖوہڑے تے گیت دے شاعر ہن ۔مگر غزل وی بٖہوں سوہنْی لکھدن۔نمونہ کلام۔
(1)غزل
[لکھو | ماخذ وچ تبدیلی کرو]کدی ضد نئیں کیتی ، توں ہک کام کر چا
ساڈٖے کولوں بٖہہ کے تے اجٖ شام کر چا
میں آہداں میری زندگی ہیّا تیری
تے توں وی تاں محسن مرے نام کر چا
تیتھوں ہور ترکہ میں اصلوں نئیں منگدا
فقظ ہکے بٖوسے دا انعام کر چا
رہی ہکا خواہش عمر بھر سکیندی
مری بٖانہہ تے اجٖ راتیں آرام کر چا
دونویں اگٖ ہجر دی قمر کیوں سکائیں
جیڑھی ہیّا ذہن اچ سرِ عام کر چا
٭٭٭