قلعہ چنیوٹ

چنیوٹ شہر وچ ݙو عظیم الشان قلعیاں دے آثار ملدن ، انہاں وچ ہک قلعہ رنجیتی ہے جیرھا نواب وزیر خان حاکم لہور نے شاہ جہان دے عہد وچ تعمیر کرایا ہا۔ ایں قلعے دی عمارت تباہ و برباد تھی چکی ہے ، لوکاں اینکوں رہائشی مکانات بݨا گھدن، ہݨ ایندی نشانی صرف خستہ دیوار موجود ہے اَتے چند قبریں وی ہن کجھ درختاں دے جھنڈ ہن ، اے ٹیلہ کم و بیش ایں ویلھے ݙو سو فٹ اُچا ہوسے اَتے ترائے ایکڑ تے محیط ہوسے ۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء