قلعہ فتح گڑھ

امروکا  ریلوے اسٹیشن توں 15 میل اُبھا پچادھ اچ ایہ قلعہ واقع ہا ۔ ایں کچے قلعے دیاں ٻاہرلے پاسوں پختہ سلھیں نصب ہن ۔ قلعہ تے توپاں وی نصب ہن ،ہک کھوہ قلعے دے اندر تے ݙو ٻاہر ہن ۔ ایں دے علاوہ مینہ دا پاݨی جمع کرݨ کیتے ہک ٹوبہ وی تعمیر کیتا ڳیا ہا ۔ علاقہ گوردیا نہ اچ قلعہ فتح گڑھ کوں نواب بہاول خان ثانی تعمیر کرایا ، ایں اپݨے والد محروم فتح خان دے ناں تے ایں قلعہ دا ناں فتح گڑھ رکھیا ۔ ہݨ ایں قلعے دی جاہ تے چار فٹ اُچا مٹی دا ڈھیرہے ۔ ایہ قلعہ انگریزیں  دے ویلھے توں پہلے تئیں عربانی داؤد پوترہ سردار دی تحویل اچ ریہا ، ایہ خاندان قلعے دے قرب و جوار اچ ہُݨ وی آباد ہے۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء