قلعہ خیر گڑھ

قلعہ خیر گڑھ اختیار خان دے پتر حاجی خان نے 1775ء وچ تعمیر کروایا ہئی تے ایندا ناں قلعہ خیر گڑھ رکھیا۔ ایہ قلعہ دفاعی وجوہات دی بنا تے تعمیر تھیا ہئی۔ سارا قلعہ کچی سلہیں نال بݨایا ڳیا ہئی۔ ایں قلعے دے اندر ہک پکا تالاب تے صحن وچ رہائشی مکانات ہن، جنہاں وچوں کجھ پکے وی ہن۔ قلعے دی فصیل دے کجھ حصے پکے ہن۔ داخلی پختہ دروازہ ہئی، جیندے اتے رہائشی حصہ ہئی۔ ایہ قلعہ گول شکل وچ ہے تے چاراں پاسوں 170 فٹ تک اندر دی طرف پھیلیا ہویا ہے۔ جیندے چاراں پاسوں اٹھ پہلو برج ہن۔ ایہ قلعہ دراوڑ قلعے توں تقریباً 64 کلومیٹر دے فاصلے تے واقع ہے۔ ایہ قلعہ زمانے دے امتداد دے علاوہ پاݨی دی کمی دی وجہ توں ویران تھی ڳیا۔ ول آہستہ آہستہ مرمت نہ تھیوݨ دی وجہ توں منہدم تھی ڳیا تے ہݨ صرف ہک ڈھیر توں زیادہ کجھ کائنی۔