قلعہ الموت تے حسن بن صباح دا قبضہ
بحیرہ قزوین دے قریب قلعہ الموت واقع ہے۔ اس مقام دے آس پاس رہݨ والیاں نال حسن بن صباح نے دوستی کر گھدی تے انہاں تے اپݨے زہد و تقویٰ دا اثر سٹیا۔ آکھا ویندے کہ اے ہمیشہ ہک کمبل ولہیٹ کے رہندا ہئی تے بہت سادہ زندگی بسر کریندا ہئی۔ اتھوں دے اکثر لوگ اوں دے پیرو تھی ڳئے ہن۔ ایں قلعے دا مالک ہک سادہ لوح علوی ہئی تے ہمیشہ حسن بن صباح دے کول ٻیٹھا رہندا ہئی تے اوندے توں برکت حاصل کریندا ہئی۔
قبضہ
[لکھو | ماخذ وچ تبدیلی کرو]جݙݨ حسن بن صباح اردگرد اپݨا اثر و رسوخ مستحکم کرچکا تاں علوی دے کول قلعہ الموت ڳیا تے اوں کوں آکھا کہ توں قلعے وچوں نکل ونڄ۔ علوی مسکرایا تے اینکوں دل لڳی سمجھا۔ حسن نے اپݨے چند پیرؤاں کوں حکم ݙتا کہ علوی کوں قلعے توں کݙھ ݙیو. انہاں نے اوں دے حکم دی تعمیل کیتی تے کچھ مال ݙے کے اونکوں قلعے وچوں کڈھ ݙتا۔ ہݨ قلعے تے حسن دا قبضہ تھی ڳیا۔ الموت کوں مرکز بݨا کے حسن بن صباح نے اسماعیلی دعوت دی تنظیم نو کیتی تے اوں دی تبلیغ شروع کر ݙتی۔ دعوت دا اوہو نظام قائم کیتا جیہڑا مصر وچ رائج ہئی۔ صرف چند حدود (ارکان) مثلاً رفیق، لاحق تے فدائی دا اضافہ کیتا ۔