قطری جوان دا قصہ
قطری جوآن دی کارستانی تے حاجی مزاور دا قصہ. . .
تلے ڈتے گۓ ہک قطری متعلق لنک اچ تفصیل پڑھ کے حاجی مزاور قصولی دیاں کجھ شاعرانہ سطراں یاد آ گئین جیرھیاں جو او اپنڑے قصے وچ ورتیندا ہے . . حاجی مزاور ویسے تاں بہوں سارے قصے سنڑیندے جیندے وچ کجھ قصے سخی سرور دے میلے متعلق ان. . جڈاں میلے تیں سنگھ آندے ھن تے لوک اپنڑے ذالاں بالاں سمیت شریک تھیندے ہن. .او رہائش اپنڑے اپنڑے مزاوراں کن رکھیندے ہن(اے ریت اجاں ھ پئی). ہک جوآن اپنڑی ذال تیں بے اعتبار ہا او میلے تیں ذال سمیت آیا. اوں سخی دے تھلے تیں جھمر کھیڈنڑ لئیوں ونجنڑ توں پہلاں ذال اپنڑی دی ستھنڑ دے نالے کوں چیڑھیاں گنڈھیں ڈتیاں تے ول سخی دے تھلے تیں پج گیا اتھ دول کٹیندے پئے ہن جھمر دا پڑ بھریا پیا ہا. . او وی جھمر اچ سانجھ کریندے تے دول دی تھاپ تیں ایں گاندے. . . "دول وجے ہڑتال " میڈاسیبت لاتھے مال" ناں جانڑ جو پچھوں وی جوآن(رن دا یار) تاڑ اچ ودا ہا جیویں اے جھمر اچ رلیا او پچھو سر تھی گیا. میلے دا ملاپ ڈو مذکر مونث وچال تھی پیا . . تھوڑی دیر بعد او جوان (رن اوندی دا یار) وی جھمر اچ آ رلدے تے رن دے پئے دا گاون سنڑ کے جوابیہ اے گاون گاندے تے جھومریاں نال سانجھ کریندے. " دول وجے ہڑتنگی " میڈا گنڈھی تلوں لنگھی" حاجی مزاور دے ایں قصے دے بعد قطری صاحب کوں (جیرھا جو گنڈھیں کن ودھیک گلو ویٹ کے آپو جانڑ کم پختہ کر گیا) ایہو کجھ آکھیا ونج سگدے جو توں بے شک ہڑتالی دول وجوا پر گنڈھیں دے تلو آلیاں کوں کوئی نئیں روک سگدا. (بلال بزدار)