قصہ گانمو سچار

گانموں سچار تے ’’شخصیات ‘‘ دے ضمن اچ کافی کجھ لکھیا ونڄ چکیا ہے۔ ایندا حوالہ ’’اکھا‘‘ اچ وی آیا ہے۔ او صاف گوانسان ہا تے ایندی صاف گوئی توں امرائے سلطنت دی بدعنوانیاں ظاہر تھی ویندیاں ہن۔ کیوں جو گانموں سچار بھرے دربار اچ صاف گاٖلھیں سُݨا ݙیندا ہا۔ ایں طرح درباری ایندے دشمن تھی ڳئے۔ انہاں نے غازی خاں کوں ایندے خلاف بھڑکایا تے یقین ݙیواوݨ دی کوشش کیتی جو گانموں اکثر غلط بیانی توں کم گھندے۔ غازی خان نے انہاں دی گاٖلھیں تے یقین نہ کیتا۔ البتہ انہاں دی تسلی دی خاطر گانموں دا امتحان گھنݨ دا ارادہ کیتا۔ درباریاں نے استدعا کیتی جو ایندا امتحان گھنݨ دی غرض نال درباراچ ایہو جیہاں قصہ سُݨاوݨ دا حکم ݙتا ونڄے جیڑھا سو فیصد سچا تے طویل ہووے۔ ول اساں ایندی کذب بیانی تے ایکوں ٹوکیسوں ۔ اے قصہ ایں علاقے اچ قصہ گانموں سچار دے ناں نال مشہور ہے تے اتھاں ایں قصے دا اُردو خلاصہ جناب عبدالقادر لغاری دی کتاب ’’تاریخ ڈیرہ غازی خان‘‘ توں نقل کیتا ویندے۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء