قصہ ماچھی وزیر دا

ایہ وی ہک جڳ مشہور قصہ ہے جیندے وچ ہک ماچھی کوں دریا وچوں ہک صندوق لبھدے تے اوندے وچ ہک سوہݨی نِینگر ہوندی ہے جیڑھی ماچھی کوں ست شاہیاں جتی قیمتی لعل ݙیندی ہے تے اونکوں امیر بݨا تے وزیر بݨوا ݙیندی ہے ۔ اوندا بادشاہ اوندی ذال تے عاشق تھی ویندے تے اونکوں مرواوݨ کیتے وکھو وکھ مُہمّاں تے بھڄیندے تے او ہرمُہم وی سَر کریندے تے اپݨی سدھی نیتائی توں سوہݨیاں سوہݨیاں نینگریں وی حاصل کریندے ۔ کہاݨی وچ ݙݙ ‘ دھیہ جیندی جِند طوطے وچ ہے اَتے سِر کپی شہزادی دے کردار ٻہوں اہم ہِن۔

حوالہ

سرائیکی لوک قصیاں دے کردار، مصنف : شہزاد اسد خان لغاری ، ناشر: جھوک پرنٹرز ‘ ملتان