قریش
قریش عرب دا ہک مشہور تے معزز قبیلہ ہئی جیہڑا مکہ مکرمہ وچ آباد ہئی۔ اے قبیلہ نہ صرف عرب بلکہ پوری دنیا دی تاریخ وچ اہم مقام رکھدے۔ ایندی وجہ اے ہے کہ پیغمبرِ اسلام حضرت محمد صلی اللہ علیہ وسلم دا تعلق اینہہ قبیلے نال ہئی۔
قریش دا معنیٰ:
[لکھو | ماخذ وچ تبدیلی کرو]لفظ "قریش" دے معنیٰ دے بارے وچ مختلف روایات ہن۔ کجھ دے مطابق ایندا مطلب "جمع کرنا" ہے، کیونکہ قصی بن کلاب نے مختلف قبیلیاں کوں مکہ وچ جمع کیتا ہئی۔ کجھ دے مطابق اے ہک سمندری مخلوق دا ناں ہے جیہڑی طاقتور ہوندی ہے، تیں قریش قبیلے دی بہادری دی وجہ توں ایندا ناں پئے ڳیا۔
قریش دا نسب:
[لکھو | ماخذ وچ تبدیلی کرو]قریش دا نسب نضر بن کنانہ نال ملدا ہے جیہڑا حضرت اسماعیل علیہ السلام دی اولاد وچوں ہن۔ قصی بن کلاب قریش دے ہک مشہور سردار ہن ڄئیں نے مکہ دے انتظامات سنبھالیے تیں خانہ کعبہ دی تولیت حاصل کیتی۔
قریش دیاں شاخاں:
[لکھو | ماخذ وچ تبدیلی کرو]قریش دی کئی شاخاں ہن جنہاں وچوں کڄھ مشہور اے ہن:
بنو ہاشم: اے شاخ سب توں زیادہ مشہور ہے کیونکہ حضرت محمد صلی اللہ علیہ وسلم دا تعلق اینہہ شاخ نال ہئی۔
بنو امیہ: اے شاخ وی طاقتور ہئی تے ایندے وچوں وی کئی مشہور شخصیات پیدا تھیاں۔
بنو مخزوم، بنو تیم، بنو عدی وغیرہ وی قریش دیاں اہم شاخاں ہن۔
اسلام وچ قریش دا مقام:
[لکھو | ماخذ وچ تبدیلی کرو]اسلام دے ظہور توں پہلے وی قریش دا عرب وچ خاص مقام ہئی۔ خانہ کعبہ دی تولیت انہیں دے کول ہئی جیہڑا پورے عرب دا مذہبی مرکز ہئی۔ اسلام دے بعد قریش دی اہمیت مزید ودھ گئی کیونکہ پیغمبرِ اسلام صلی اللہ علیہ وسلم دا تعلق اینہہ قبیلے نال ہئی۔ شروع وچ قریش نے اسلام دی سخت مخالفت کیتی لیکن بعد وچ اکثریت نے اسلام قبول کر گھدا۔