قربانی آلی چھری

ٹھیڑی توں  ماماں  رمضان ارائیں  آ تے ڳالھ سُݨیندا ٻیٹھا ہا ، قربانی دا لیلا کیتھے ۔ لیلے کوں  چھری پھردا ٻال ݙیکھدے کھڑے ہَن ۔ اساں  گوشت بݨاوݨ پئے ڳیوں  ، ݙو ٻالیں  ٻی کاتی لبھ تے ہوں  جاہ تے ڳن پے ، ہک ٻال سمھ پے ، ٻیا گردن تے کاتی چلیندا پیا ہا ، بندہ بھڄ تے ڳے اللہ امان ݙتی ءِ، ٻے بندے آکھیا لیلا وی تاں کہیں  دا ڄایا ہا ۔ ماماں  رمضان ٻے سال فوت تھی ڳیا ، اونکوں  قربانی دے ݙاند ٹکر ماری ہئی ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان