قدیم سرائیکی اُردو لغت

سرائیکی زبان دی قدامت تے زرخیزی کوں واضح کریندی اے لغت ’’دکنی اُردو لغت‘‘ از مسعود حسین خان ، غلام عمر خان تے ’’قدیم اُردو لغت‘‘ از ڈاکٹر جمیل جالبی توں ماخوذ ہے ۔ اے لغت مذکورہ لغات دے تقریباً ݙوں ہزار الفاظ ، تراکیب ، مصادر ، محاورات تے اصطلاحات تے مشتمل ہے جیڑھے ہو بہو تے معمولی فرق نال اَڄ وی سرائیکی وچ مستعمل ہن ۔ ݙوں ہزار الفاظ مذکورہ لغات دا 32فیصد بݨدن ۔ ابتدائی 14صفحات تے محقق دیباچے وچ ایں لغت کوں مرتب کرݨ دا مقصد واضح کیتے ۔ آخری ݙاہ صحافت تے ایہو دیباچہ انگریزی زبان وچ موجود ہے۔

’’پروفیسرمقبول حسن گیلانی ایں کتاب کوں پروفیسر شوکت مغل دی شاہکار کتاب دا ناں ݙتے تے آکھیے جو ادارہ جھوک پبلشرز تے سئیں ظہور احمد دھریجہ تے اساں جتنا فخر کروں گھٹ اے اُنہاں ایں عظیم کتاب کوں شائع کرتے سرائیکی ماء ٻولی دی وݙی خدمت کیتی اے۔‘‘

حوالہ

ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان)  نگران مقالہ: ڈاکٹر محمد ممتاز خان کلیانی