قاضی محب الرحمن

قاضی محب الرحمن پاکستان دی ہاکی ٹیم دے سابق کپتان تے اولمپک کھلاڑی ہَن۔ اوہ 1960ء وچ ضلع بنوں دے دیہات سوکڑی وچ پیدا تھئے۔ اُوں نے تیرہاں سال کیریئر وچ 150 میچ کھیݙیے۔ اُوندی کھیݙ کوں ݙیکھدے ہوئے 1994ء وچ اُنہیں کوں صدارتی ایوارڈ نال نوازا ڳیا۔

قاضی محب الرحمن 1988ء دے ورلڈ کپ وچ پاکستان دی نمائندگی کیتی تے پنڄ سال تک قومی ہاکی ٹیم دے کپتان رہے۔ اوہ بنیادی طور تے فل بیک ہَن پر بعد وچ رائٹ ہاف دی پوزیشن تے وی چنگی کھیݙ پیش کیتی۔ 1989ء دی چمپین ٹرافی وچ اُنہیں کوں بہترین کھݙاڑی قرار ݙتا ڳیا۔

1994ء وچ نیشنل ہاکی چمپیئن شپ دے دوران اُوندے ڳوݙے وچ تکلیف تھئی۔ کراچی دے ہک ڈاکٹر نے ایں بیماری کوں کینسر قرار ݙتا جیڑھا خون توں پھیپھڑیاں تک پھیل ڳیا ہئی۔ ڈاکٹر نے پیش گوئی کیتی کہ اوہ ہک ݙو سال توں زیادہ زندہ نہ رہ سڳسن۔ علاج کیتے اُونکوں لندن وی ٻھیڄا ڳیا پر اُتھوں دے ڈاکٹرز نے وی ایں تشخیص دی تصدیق کیتی۔ ایں طرح اوہ صرف ݙاہ مہینے زندہ رہ سڳیے تے 37 سال دی عمر وچ 28 دسمبر 1996ء کوں وفات تھی ڳئے۔ اُنہیں کوں اُوندے آبائی دیہات سوکڑی وچ دفن کیتا ڳیا۔ ضلع بنوں وچ اُنہیں دے ناں تے ہک بین الاقوامی ہاکی اسٹیڈیم وی بݨایا ڳیا ہے۔