قاضی قاضنؒ

قاضی قاضنؒ (ڄم: 1463ء، وفات: 1551ء) سندھ دے مشہور صوفی شاعر، عالمِ دین ہن۔ اوہ سندھ دے والی شاہ بیگ ارغون دے مشیر خاص وی ہن تے بکھر دے قاضی دے عہدے تے وی فائز رہے۔

حالات زندگی:

قاضی قاضنؒ 1463ء وچ قاضی ابو سعید بن زین العابدین دے گھر ڄمیے ہن۔ اوندے وݙ وݙیرے ٹھٹہ تے سیوستان (سیہون) دے شہریں وچوں ہن۔ اوندے جد امجد قاضی ابوالخیر بکھریؒ اپݨے زمانے دے مشہور عالمیں وچ شمار تھیندے ہن تے بکھر وچ رہائش اختیار کیتی ہئی۔

قاضی قاضنؒ تفسیر، حدیث دے وݙے عالم، قرآن دے حافظ تے فن قرات دے ماہر ہن۔ اوہ ہر ویلہے عبادت الٰہی وچ مصروف رہندے ہن۔ جݙاں شاہ بیگ ارغون دے دور وچ ٹھٹہ وچ لٹ مار شروع تھئی تاں قاضی قاضنؒ دے خط دی وجہ توں ٹھٹہ دے لوکیں کوں وݙی تباہی توں نجات ملی۔ اوہ سید محمد مہدی جونپوریؒ دے مرید ہن۔ قاضی قاضنؒ کوں سندھ دے والی شاہ بیگ ارغون نے اپݨا مشیر خاص مقرر کیتا ہئی تے شاہ بیگ ارغون دے انتقال دے بعد مرزا شاہ حسن نے انہیں کوں بکھر دا قاضی مقرر کیتا تے اوں نے ایں عہدے کوں وݙی احتیاط نال نٻھایا۔ آخر عمر وچ ایں اہم ذمہ داری توں مستعفی تھی ڳئے تے ایہ عہدہ اوندے دے بھرا قاضی نصراللہ دے حوالے تھی ڳیا۔ اوہ کئی واری حج تے ڳئے تے مدینہ منورہ دے قیام دے دوران شیخ عبد اللہ متقی بن مولانا سعد دربیلوی دی صحبت وچ رہے۔

وفات:

قاضی قاضنؒ دی وفات 958ھ بمطابق 1551ء وچ تھئی۔