قاضی عصمت اللہ لکھنوی
قاضی عصمت اللہ لکھنوی ہک عالم دین ہن جیڑھے فتاویٰ عالمگیری دی مجلس مؤلفین دا حصہ ہن۔ اوہ قاضی عبد القادر عمری لکھنوی دے وݙے پتر ہن۔ انہیں دا سلسلہ نسب اٹھارہ واسطیاں نال مشہور صوفی ابراہیم بن ادہم نال ملدے۔ اوہ لکھنؤ اچ ڄمیے ہن تے اُتھائیں اوندی پرورش تھئی۔ اوں نے اپݨے والد قاضی عبد القادر عمری تے مفتی وجیہ الدین گوپاموی توں تعلیم حاصل کیتی۔
اوں نے شیخ پیر محمد سلونی توں طریقت دی تعلیم وی حاصل کیتی۔ اورنگزیب عالمگیر نے انہیں کوں مراد آباد دا والی مقرر کیتا جتھاں اوہ کافی عرصہ تک ایں عہدے تے رہے۔ اوہ وݙے سخی تے علما دی قدر کرݨ آلے ہن۔ اوندی وفات نربدہ دے ساحل تے تھئی جݙاں اوہ دکن توں واپس آندے پئے ہن۔ ایہہ واقعہ ۱۲ رجب ۱۱۱۳ھ دا ہے۔ انہیں دی عمر اوں وقت ۶۸ سال ہئی۔ انہیں کوں لکھنؤ دے قریب بہنداوہ وچ دفن کیتا ڳیا۔[١]
حوالہ