قاضی حسین احمد
قاضی حسین احمد صاحب ہک وݙے عالم دین تے سیاستدان ہن جئیں جماعت اسلامی دے امیر دی حیثیت نال شہرت حاصل کیتی۔ انہیں دے دور وچ جماعت اسلامی سیاسی طور تے زیادہ مقبول تھئی۔
تعارف:
[لکھو | ماخذ وچ تبدیلی کرو]جماعت اسلامی دے سابق امیر، مذہبی جماعتیں دے مرحوم اتحاد متحدہ مجلس عمل دے بانی، سید ابوالاعلیٰ مودودیؒ تے میاں طفیل محمدؒ دے بعد قاضی حسین احمدؒ جماعت اسلامی دے تریجھے منتخب امیر بݨیے۔ اوہ ٻہوں عرصے بعد مارچ 2009ء وچ امارت دی ذمہ دارییں توں سبکدوش تھئے۔ انہیں دی جاہ تے سید منور حسن جماعت اسلامی دے چوتھے امیر منتخب تھئے۔
عائلی زندگی:
[لکھو | ماخذ وچ تبدیلی کرو]قاضی حسین احمد دے ݙو پُتر تے ݙو دھیریں ہن جیڑھے ماء سمیت جماعت اسلامی نال وابستہ ہن۔ قاضی صاحب منصورہ وچ ݙو کمریاں دے ہک فلیٹ وچ رہندے ہن۔ قاضی صاحب کوں اپݨی مادری زبان پشتو دے علاوہ اردو، انگریزی، عربی تے فارسی تے عبور حاصل ہئی۔ اوہ شاعرِ اسلام علامہ محمد اقبالؒ دےوݙے مداح ہن، اونکوں فارسی تے اردو وچ انہیں دا اکثر کلام زبانی یاد ہئی تے اوہ اپݨیاں تقریریں تے ڳالھ مُہاڑ وچ ایں توں فائدہ چیندے ہن۔[١]
وفات:
[لکھو | ماخذ وچ تبدیلی کرو]6 جنوری 2013ء کوں دل دے عارضے نال اسلام آباد وچ انہیں دا انتقال تھیا، انہیں کوں انہیں دے آبائی علاقے نوشہرہ وچ دفن کیتا گیا۔