قاسم ضامن

قاسم ضامن سرائیکی زبان دا شاعر ہے۔

نمونہ کلام

رنگیں رُجھا ڈتا ہے

سب کجھ بُھلا ڈتا ہے

اُوندا میں تھی گیا ہاں

میکوں اُوں کیا ڈتا ہے

تیکوں حُسن تے مانڑ اے

اے وی خدا ڈتا ہے

نفرت کریندیں میں توں

دنیا ڈسا ڈتا ہے

میکوں دعائیں دا تحفہ

میڈی ہی ما ڈتا ہے

شیشے دے وچ میں خود کوں

جیویں سجا ڈتا ہے

ضامن کوں اُنویں اپنے

دل وچ بہلا ڈتا ہے

قاسم ضامن

غزل

جڈاں معصوم بالیں دے اکھیں توں نیر ڈہدے ہیں

نہ ول کوئی خواب ڈہدے ہیں نہ کوئی تعبیر ڈہدے ہیں

پتہ نئیں کے تونڑیں ساڈی ضرورت زندگی کوں ہے

اساں کھنڈ کھیر راہندے ہیں اونکوں کھنڈ کھیر ڈہدے ہیں

بھرم دی بھینک منگدے ہیں کرم دی بھینک منگدے ہیں

کرم کیویں کریندا ہے اوندی توقیر ڈہدے ہیں

اساڈے دل دی خواہش ہے تیڈا دیدار تھی پووے

ہٹا پردہ ڈکھا جلواہ تیڈی تصویر ڈہدے ہیں

اساڈا کوئی ضامن نئیں اساڈا صرف توں ضامن

اساں ضامن دے ضامن دی جلو جاگیر ڈہدے ہیں

قاسم ضامن