قارالین دی قمیض
قارالین ناں دا ہک ریشمی کپڑا آیا ہا ،سارے لوک شونق کنوں گھنݨ پئے ڳے غریب غربا تاں نہ گھن سڳدے ہن پا پیسے آلے قارا لین گھندے ہن ۔ چاچا خدا بخش دھن دولت آلا ہا، اونکوں سیٹھ خدا بخش سݙیندے ہن ،وستی دھریجہ نگر ہک شادی ہئی او قارا لین دا چولا لٹھے دی چادر تے عالیشان طرے آلا پٹکہ پا آیا۔ اللہ میاں چڑھوئے دا پُتر ہا یا بھنڑیجا بھتریجا اووی قارالین دا چولا پا آیا۔ ماماں رحمانوں تے نانا جام خان چاچے خدا بخش کوں آکھن توں پھوت بݨا آئیں پر چڑھوئے دے پُتر تیکوں ونڄا گھتیے۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان