قائم فقیر
قائم فقیر مینگھو فقیر دے پُتر ہن۔آپ13شوال 1274ھ وچ پیدا تھے۔ آپ دے والد آپ دی تعلیم و تربیت تے خاص توجہ ݙتی۔ قائم فقیر عربی فارسی دے علوم دے علاوہ طب دی تعلیم وی حاصل کیتی۔ انھاں دا زیادہ وقت عبادت تے ریاضت وچ گزردا ہا۔ قائم فقیر 24ربیع الثانی 1324ھ وچ ایں فانی دنیا توں رحلت فرما ڳے۔آپ دا کلام فصاحت و بلاغت دی بہترین مثال ہے۔ نمونہ کلام:
چنڑنگ پئی وچ چولے
انہد ٻولی ٻولے
صورت سب سلطانی
سیر کیتا سبحانی
جیݙے کیݙے ہے جانی
اکھیاں کوئی کھولے
دلبر لائیاں دیداں
عشق کرائیاں عیداں
اصل ہوئیاں اُمیداں
جند جان کراں میں گھولے
واہ وڄایا واراہ
وچ انا الحق نعرا
وحدت دا وسکارا
عشق عجائب ٹولے
شاہ درازی ہامی ہر دم
پریں آپ رکھیا آپرتم
ذوق پیارے زوری زم زم
آیا قائم کولے
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان