فیاض ناصر بھٹی
اصل ناں فیاض احمد
قلمی ناں فیاض ؔ ناصر بھٹی
ڄمݨ 1974ء
تعلیم مڈل
پیشہ محنت مزدوری
فون نمبر 0301 4071248
جاہ پتہ موضع جھوک بھُٹہ ڈاکخانہ خانڳڑھ، ضلع مظفر ڳڑھ
غزل
[لکھو | ماخذ وچ تبدیلی کرو]دامن تر ہے توں نئیں آیا
کلھا گھر ہے توں نئیں آیا
کالی رات ئِ چپ ای چپ ئِ
دل کوں ݙر ہے توں نئیں آیا
آکھیا ہاوی ݙیکھݨ آساں
چاک جگر ہے توں نئیں آیا
کوئی شئے پلّے کائنی رہ ڳئی
مونجھ مگر ہے توں نئیں آیا
کھلیاں اکھّیں کھلے ویہڑے
کھلّا در ہے توں نئیں آیا
ݙیکھ فیاضؔ اڄ میݙے کیتے
روز حشر ہے توں نئیں آیا
٭٭٭