فیاض الدین شیخ

سئیں شیخ فیاض الدین خان پور توں ممبر قومی اسمبلی ہِن ،بنیادی طور تے صنعت کار ہِن ،آپ دے والد شیخ امیر الدین خان پور دے وݙے تاجر ہَن ۔ شیخ صاحب دا خان پور دی سیاست ء ِچ ٻہوں وݙا ناں ہے۔ اُنہاں شہر دی ترقی واسطے ٻہوں اقدامات کیتے ۔آپ دا شمار شریف النفس سیاستدانیں ءِ چ تھیندے ۔ سرائیکی صوبہ تحریک ءِ چ آپ دی ٻہوں خدمات ہِن ۔ خان پور وچ سرائیکی ادبی تقریبات کریندے رہ ڳن۔عالمی شہرت یافتہ سرائیکی لوک فنکار عطاء اللہ خان عیسیٰ خیلوی دی تاج پوشی سب توں پہلے خان پور ءِ چ شیخ فیاض صاحب کرائی ۔میاں فیاض الدین شیخ 15دسمبر1945ء ءِ چ پیدا تھئے ۔ 1979ء تے 1984ء ݙو واری بلدیہ خان پور دے چیئرمین رہ ڳئے ۔ خان پور دے حلقے کوں لسانی بنیاد تے تقسیم کیتا ڳیا تاں اُنہاں ضیاء الحق دے نامزد امیدوار حاجی سیف اللہ دا1985ء تے میاں عبدالخالق دا پی پی دے ٹکٹ تے 1988ء ءِ چ ڈٹ تے مقابلہ کیتا۔ایں ویلے قومی اسمبلی ءِ چ سرائیکی صوبے دی جیڑھے ارکان کھل تے گاٖلھ کریندن اُنہاں وچ شیخ فیاض الدین دا ناں سرفہرست ہے۔شیخ صاحب دے صاحبزادے شیخ عمادالدین وی اپݨے وسیب نال ٻہوں محبت کریندن۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء