فقیر نورؔ جعفری
آپ ہک صاحبِ طرز اپݨے زمانے دے معروف سرائیکی شاعر ہن۔ شعراں وچ خوبصورت ترکیباں استعمال کرݨاں انہاں دی خاص خوبی ہے ۔ آپ دا نمونہ کلام ݙیکھو!
غزل
[لکھو | ماخذ وچ تبدیلی کرو]صبر دے نال جالݨاں پوندے
دل کوں ایویں ٹھگالݨاں پوندے
راستہ عشق دا ہے بٖہوں اوکھا
ہر قدم کوں سنبھالݨاں پوندے
ہے تقاضا ایہو محبت دا
قول و اقرار پالݨاں پوندے
عشق ہے روڳ زندگی بھر دا
اتھ حیاتی کوں ڳالݨاں پوندے
نورؔ مطلب پرست لوکاں کوں
بعض موقعیاں تے ٹالݨاں پوندے
؎تصور وچ تیݙی تصویر ݙہداں
رخ پر نور دی تنویر ݙہداں
جوانی وچ ݙٹھا ہم خواب جیڑھا
بُٖڈھیپے وچ اوندی تعبیر ݙہداں
ݙینہاں راتیں رکھے بے چین ہردم
محبت دی ایہا تاثیر ݙہداں
٭٭٭