فقیر محمد یار
فقیر محمد یار جھنگ دے رہݨ والے ہن۔ آپ دی ہک سرائیکی زبان وچ جھنگوی لہجے وچ مثنوی نافع الصلوٰۃ ملدی ہے ۔ 1202مطابق 1787ء وچ لکھی ڳئی۔ فقیر محمد یار اپݨے ہم وطن شاعر عبدالکریم جھنگوی توں متاثر لگدن۔
کلام دی ونکی:
میں کیہاں درود محمدؐ تائیں لکھ ہزار کروڑاں
ذرہ صفت نہ ہووے مُولے جے لکھ ورقا جوڑاں
صفت نبی دی بہت درازے بندہ کون بیچارہ
صفت نبی دی آپ اس کیتی جو ہے سر جنہارہ
پھر کہاں درود ہزاراں واری جو پیغمبر سارے
آل اتے اصحاباں ساریاں جہڑے نبی پیارے
سرائیکی زبان کوں اکثر قدیم شعراء ’’ ہند دی‘‘آکھیئے۔ فقیر محمد یار دی فقہ دی ایں کتاب وچ ہند دی دا لفظ اپݨی زبان واسطے استعمال کریندن:
میں کراں بیان مسائل ہند وی جے رب دیوے قوت
اوہو آن سکھالے مینوں جس دی مگر نبوت
اے سائل نظرے مینوں اندر فقہ عجیبا!
لکھ غنیمت ڄاݨ حیاتی جے توں پڑھیں حبیبا
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان