فضل الہی چوہدری

فضل الہی چوہدری ہک پاکستانی سیاستدان ہا جیڑھا 1973 دے آئین دے تحت پاکستان دا صدر بݨیا ہا۔ فضل الہی چوہدری 1904 وچ گجرات وچ پیدا تھیا۔ زرعی یونیورسٹی فیصل آباد تے علی ڳڑھ یونیورسٹی وچوں تعلیم حاصل کیتی۔ فضل الہی چوہدری مسلم لیگ وچ شامل تھی تے سیاسی پن٘دھ شروع کیتا۔ بعد وچ او پاکستان پیپلز پارٹی وچ شامل تھی ڳیا۔ قومی اسمبلی دا سپیکر تے پاکستان دا صدر بݨیا۔ صدارت دے عہدے تے 1978 تک ریہا۔ جنرل ضیاء الحق دے اقتدار تے قبضے دے بعد عہدے توں استعفی ݙے ݙتا۔ فضل الہی چوہدری 2 جون 1982 کو فوت تھی ڳیا۔