فریدؒ ہک اُردو شاعر

فریدؒ ہک ہفت زبان شاعر ہے ۔ سرائیکی دے بعد جئیں مبان وچ اُنہاں دا زیادہ کلام ملدا ہے اوہ اُردو ہے ۔ دیوانِ فرید اُردو وچ چھیانوے غزلاں ہک صوفیانہ گیت تے ٻارہاں قطعے موجود ہِن ۔ سرائیکی وچ بحیثیتِ شاعر جیڑھا خواجہ دا مقام ہے ایندے نال اُردو کلام دے حوالے نال موازنہ بے جا ہے کیونجو اُردو انہاں دی مادری زبان نہ ہئی ۔ ایں زمانے وچ فارسی دے لکھݨ تے پڑھݨ دا رواج زیادہ ہا ۔ ایں زمانے وچ ایں علاقے وچ اساکوں اُردو دا کوئی وݙا شاعر وی نظر نئیںآندا ۔ جینکوں سامݨے رکھ تے ایں علاقے وچ اُردو شاعری دے معیار دے بارے وچ رائے قائم کیتی ونجٖ سڳے۔ ایہ گاٖلھ وی قابلِ دید ہے جو ایں زمانے وچ ایں علاقے وچ ایں معیار دی شاعری اُردو زبان وچ کیتی ڳئی۔

ایندی اُردو شاعری وچ قدیم اُردو شاعری دا رنگ موضوع تے زبان دے حوالے نال نظر آندا ہے ۔ سوداؔ تے ناسخؔ دا ذکر خواجہ سئیںؒ دے اشعار وچ ملدا ہے ۔ جتھوں ایہ امر ظاہر تھیندا ہے جو او انہاں شاعراں دے کلام دا مطالعہ کر چکے ہن ۔ قلعۂ معلی دہلی دا وی خواجہ سئیںؒ دے خاندان نال روحانی تعلق ہا ۔ ایں طرحاں اُردو دان طبقے دی آمد و رفت تے اُنہاں نال میل جول دا خواجہ سئیںؒ دی اُردو شاعری کوں اڳوں ودھاوݨ وچ ممدو معاون ثابت ہووݨ فطری گاٖلھ ہے۔

حمد:

ثنائے حق ادا ہو کس طرح تسوید انساں سے

کہ ہے ترکیب جس کی اِک خطا سے اور نسیاں سے

نعت:

سر ہے نثار حضرت عربی کی راہ پر

قربان جان و دل ہوئے ہیں اس کی چاہ پر

یہ قصہ مختصر ہے فریدؔ اس کی وصف میں

بعد از خدا ہے تاجِ شہی میرے شاہ پر

سلام:

میں فقط پیدا ہوں وصف پنجتن کے واسطے

تشنہ ہے کوثر میرے ذوقِ دہن کے واسطے

اِک کہتریں غلام ہوں اصحابِ پاک کا

اِک کمترین بندہ ہوں آلِ بتول کا

رنگ عقیدت:

میں ہوں سگ آستانۂ فخر جہاںؒ کا

شیروں سے فوق مرتبہ ہے میری شان کا

بیاں کس طرح ہوگا مجھ سے رُتبہ فخر عالم کا

کہ بعد از انبیاء وہ فخر ہے اولادِ آدم کا

نہ حوروں پر ہے دِل مائل نہ غلمان کی ہے کچھ حاجت

مجھے تو اپنے فخر الدینؒ کا دیدار بہتر ہے

تعلی:

اس ملک میں کون نظم اپنی کو سمجھے

ناسخؔ کو بھی یہ درد کا نسخہ نہیں آتا

سوداؔ کہے جے دیکھے غزل تیری اے فریدؔ

سَو رمز ہے نہاں تِرے اِک اِک سخن کے بیچ

تغزل:

مے پرستی میں مرے دل کی ترقی دیکھو

خمِ گردوں کو اِک ادنیٰ سا پیالہ سمجھا

عشق بازی میں میرے دِل کی ترقی دیکھو

قیسؔ بھی مجھ کو گُرو آپ کو چیلا سمجھا

گلزار و لالہ زار میں لگتا نہیں ہے دِل

صیاد نے قفس سے مجھے جب رہا کیا

حوالہ

فرید نامہ ، مصنف: اسلم میتلا ۔ ناشر: جھوک پبلشرز ملتان