فرڈیننڈ میگلان
| فرڈیننڈ میگلان | |
|---|---|
| (پرتگالی میں: Fernão de Magalhães) | |
 | |
|
| |
| معلومات شخصیت | |
| ڄم | 1480 |
| وفات | اپریل 27، 1521ء (عمر 40–41) |
| وجہ وفات | لڑائی میں مارا گیا |
| طرز وفات | قتل |
| قومیت | پرتگالی |
| عملی زندگی | |
| کم کار | مہم جو ، ملاح [١] |
| کم کار دی زبان | اطالوی ، پرتگالی [٢]، ہسپانوی |
| وجہ شہرت | The first circumnavigation of the Earth, from Europe to East, and to West; for the first expedition from Europe to Asia by the West; and for captaining the first expedition across the Atlantic Ocean to the Strait of Magellan and across the Pacific Ocean |
| عسکری خدمات | |
| وفاداری | سلطنت ہسپانیہ |
| عہدہ | کپتان |
| دستخط | |
 | |
درستی - ترمیم  | |
فرڈیننڈ میگلان (انگریزی: Ferdinand Magellan، پرتگالی: Fernão de Magalhães، ہسپانوی: Fernando or Hernando de Magallanes) ہک پرتگیزی بحری مہم جو تے جستجو گر ہن جیہڑے ہسپانیہ کیتے خدمات انجام ݙیندے ہن۔ آپ دنیا دے گرد چکر لاوݨ دی پہلی کامیاب کوشش دے قائد ہن، البتہ پچادھ آلے پاسے اپݨے آخری بحری سفر کوں مکمل نہ کر سڳیے تے فلپائن وچ جنگ مکتان وچ ماریے ڳئے۔ تاہم آپ تمام خطوط طول بلد کوں عبور کرݨ آلے اولین افراد وچوں ہک ہن۔
بحر الکاہل کوں گہری خاموشی دی وجہ توں "کاہل" دا ناں میگلان نے ہی ݙتا ہا جیہڑے 28 نومبر 1520ء کوں ایں سمندر وچ پُہنچے ہن۔ اوہ جنوبی امریکا دے انتہائی لمیں حصے تیرا دیل فیگو تک پُہنچݨ آلے پہلے یورپی ہن تے اتھاں واقع آبنائے میگلان انہاں دے ناں نال موسوم ہے۔ اوہ فلپائن دی سرزمین تے اترݨ آلے تے اتھوں دے مقامی افراد نال ملݨ آلے وی پہلے یورپی ہن۔
حقیقتاً میگلان دا مقصد دنیا دے گرد چکر لاوݨا کائناں ہا بلکہ ہسپانوی جہازیں کوں انڈونیشیا دے جزائر ملوک (جنہاں کوں جزائر مصالحہ وی آکھیا ویندا ہے) تک ونڄݨ کیتے ہک محفوظ رستہ تلاش کر کے ݙیوݨا ہا ۔ تاہم میگلان دے مارے ونڄݨ دے بعد ایہہ انہاں دے نائب ہوان سباستیان الکانو دا فیصلہ ہا کہ لمیں دے پاسوں سفر جاری رکھیا ونڄے تے پوری دنیا دے گرد چکر لایا ونڄے۔
دنیا دے گرد چکر کٹݨ کیتے انہاں دے نال ونڄݨ آلے 237 یا 270 دے عملے دے اراکین وچوں محض 17 ہسپانیہ واپس پُہنچ سڳے تاہم اوہ چکر لاوݨ وچ کامیاب تھئے۔ انہاں واپس آوݨ آلے مہم جوواں دی قیادت الکانو کر یندے پئے ہن جنہاں نے میگلان دی موت دے بعد مہم دی قیادت سنبھالی ہئی۔
تقریباً 232 ہسپانوی، پرتگیزی، اطالوی، فرانسیسی، انگریز تے جرمن جہاز راں ایں مہم دے دوران میگلان دے نال مارے ڳئے۔
- ↑ https://read.dukeupress.edu/hahr/article/51/2/313/152610/Magellan-Historiography — اخذ شدہ بتاریخ: 1 اکتوبر 2023
- ↑ مصنف: فرانس کا قومی کتب خانہ — عنوان : اوپن ڈیٹا پلیٹ فارم — بی این ایف - آئی ڈی: https://catalogue.bnf.fr/ark:/12148/cb11935241t — اخذ شدہ بتاریخ: 10 اکتوبر 2015 — اجازت نامہ: آزاد اجازت نامہ