فردوس عاشق اعوان

فردوس عاشق اعوان
مناصب
رکن قومی اسمبلی
رکنیت سنہ 16 نومبر 2002
حلقہ انتخاب	این اے-111، سیالکوٹ
پارلیمانی مدت	بارہویں قومی اسمبلی
وفاقی وزیر برائے بہبود آبادی
برسر عہدہ 2008  – 2010
وزیر اطلاعات و نشریات پاکستان
برسر عہدہ 9 فروری 2011  – 18 اپریل 2012
f9f9f9; margin: 0 0 0 0; border-collapse: collapse;" f9f9f9; color:#000; margin: 0 0 0 0; border-collapse: collapse;" قمر زمان کائرہ   f9f9f9; color:#000; margin: 0 0 0 0; border-collapse: collapse;" قمر زمان کائرہ
وفاقی وزیر برائے قومی صحت دے قوانین اَتے خدمات
برسر عہدہ 18 اپریل 2012  – 16 مارچ 2013
معلومات شخصیت
پیدائش	11 جنوری 1970ء (55 سال)  سیالکوٹ
رہائش	سیالکوٹ
شہریت	پاکستان
مذہب	اسلام
جماعت	پاکستان مسلم لیگ ق (–2008) پاکستان پیپلز پارٹی (2008–29 مئی 2017) پاکستان تحریک انصاف (30 مئی 2017–)
عملی حیاتی
پیشہ	سیاست دان
مادری زبان	اردو
پیشہ ورانہ زبان	اردو

فردوس عاشق اعوان (اردو: فردوس عاشق اعوان) ہک پاکستانی سیاست دان زنانی ہن۔ دہقانی لہجے وِچ بے تکان ڳالھ کرݨ دے حوالے نال سُن٘ڄاݨی ویندی ہن۔

تعلیم

انّھاں نے فاطمہ جناح میڈیکل کالج فار ویمن توں ایم بی بی ایس دی ڈگری حاصل کِیتی۔

سیاسی حیاتی

انّھاں نے اپݨا پہلا الیکشن سابق اسپیکر قومی اسمبلی امیر حسین دے مقابلے وِچ جِتیا ہئی۔ پہلے پاکستان مسلم لیگ (ق) وِچ ہن تے بعد وِچ پاکستان پیپلز پارٹی وِچ شامل تھئیں تے ہݨ پاکستان تحریک انصاف وِچ شامل ہن۔ فردوس عاشق اعوان نے اپݨی سیاسی زندگی دا آغاز 1990 وِچ کِیتا جݙاں انّھاں نے سوسائٹی برائے ہیلتھ اینڈ ڈویلپمنٹ اینڈ ایکسچینج دی بݨیاد رکھی تے صحت دی ݙیکھ بھال دے نظام کوں بہتر بݨاوݨ دی وکالت کِیتی۔ 2002 وِچ اوہ مسلم لیگ (ق) دے ٹکٹ تے خواتین کِیتے مخصوص نشست تے قومی اسمبلی کِیتے منتخب تھئی۔ 2008 وِچ، اوہ دوبارہ پاکستان پیپلز پارٹی وِچ شامل تھیوݨ دے بعد، این اے 111 سیالکوٹ II توں قومی اسمبلی کِیتے منتخب تھئی ہَن۔ انّھاں نے مسلم لیگ (ق) دے اپݨے مخالف چوہدری امیر حسین دے خلاف 45،704 ووٹ حاصل کِیتے۔ منتخب تھیوݨ دے بعد اوہ پیپلز پارٹی دی کابینہ وِچ آبادی دی بہبود دی وزیر دے عہدے تے فائز تھئیں۔ فردوس اعوان کوں بعد وِچ پیپلز پارٹی دے دور حکومت وِچ وزارت اطلاعات دا قلمدان ݙتا ڳیا۔ انّھاں نے 25 دسمبر 2011 کوں وفاقی کابینہ دے خصوصی اجلاس دے دوران وزیراعظم یوسف رضا گیلانی کوں اپݨا استعفیٰ پیش کِیتا۔ بعد وِچ وزیراعظم نے اعوان دے نال ون ٹو ون ملاقات کرݨ دے بعد اینکوں مسترد کر ݙتا۔ 18 اپریل، 2012 کوں، قمر زمان کائرہ کوں نیا وفاقی وزیر اطلاعات و نشریات مقرر کِیتا ڳیا، جݙاں جو سابق وزیر اطلاعات فردوس عاشق اعوان کوں وزارت برائے قومی ضابطاں تے خدمات دا منصب وَلا ݙِتّا ڳیا۔ انّھاں نے 2015 وِچ پی پی پی دے نائب صدر توں استعفیٰ ݙے ݙتا، 30 مئی، 2017 کوں، انّھاں نے نتھیا گلی وِچ پاکستان تحریک انصاف وِچ شمولیت اختیار کِیتی۔ 2018 دے پاکستانی عام انتخابات وِچ اوہ این اے 72 (سیالکوٹ اول) وِچ پاکستان تحریک انصاف دے ٹکٹ تے اپݨی نشست توں مسلم لیگ (ن) دے ارمغان سبحانی دے خلاف 91،393 ووٹ حاصل کرکے ہار ڳئیں جیڑھے 129،041 ووٹ حاصل کِیتے۔ کابینہ وِچ ردوبدل دے بعد اوہ 18 اپریل 2019 کوں وزیر اطلاعات تے نشریات کِیتے وزیراعظم عمران خان دی معاون خصوصی دے عہدے تے فائز تھئی ہَن۔ 27 اپریل 2020 تک دفتر وِچ رہی ہَن۔ 2 نومبر 2020 کوں اوہ وزیراعلیٰ پنجاب عثمان بزدار دی معاون خصوصی برائے معاون خصوصی دے طور تے مقرر تھئی۔

عہدے

اوہ سیالکوٹ توں قومی اسمبلی دی رکن منتخب تھئی ہَن۔ پاکستان پیپلز پارٹی دے دور حکومت وِچ پاکستان دی وفاقی وزیر اطلاعات رہی۔

ملک دی نمائندگی

فردوس عاشق اعوان 2010ء وِچ خاص طور تے ثانیہ مرزا تے شعیب ملک دی شادی وِچ شرکت کرݨ کِیتے حیدرآباد، بھارت ڳئیں۔ انّھاں نے ازدواجی جوڑے کوں حکومت پاکستان دی طرف توں تحائف وی پیش کِیتے۔ بھارت دے انگریزی روزنامہ دی ہندو دے مطابق ایں ازدواجی جوڑے کوں پاکستان اِیں وقت ملک وِچ خاندانی منصوبہ بندی دا برانڈ ایمبیسیڈر چُݨیا ڳیا ہئی، حالانکہ صحافیوں توں سوالات پچھے وین٘دے ہوئے ݙوہاں ایں ڳالھ توں بے خبر ہن تے اڄ تائیں ایں مخصوص اعلان دی کہیں ٻئے ذریعے نال تصدیق نئیں کیتی ون٘ڄ سڳی۔