فرح دیبا پہلوی

فرح دیبا پہلوی
(فارسی میں: فرح پهلوی)
ملکہ فرح پہلوی، 1972
معلومات شخصیت
پیدائشی نام	(آذربائیجانی میں: Fərəh Diba)
پیدائش	(1938-10-14) 14 اکتوبر 1938 تہران، ایران،
رہائش	پیرس (–1959) تہران (1959–1979) مصر (1979–) ریاستہائے متحدہ امریکا (–)
قومیت	ایرانی
دیگر نام	شهبانو فرح ملکہ فرح
نسل	ایرانی آذربائیجان
شریک حیات	محمد رضا شاہ پہلوی
اولاد	رضا پہلوی فرح ناز پہلوی علی رضا پہلوی لیلیٰ پہلوی
تعداد اولاد	4
والدین	سهراب دیبا فریده قطبی
خاندان	شاہی ایرانی ریاست
عملی زندگی
تعليم	École Spéciale d'Architecture
مادر علمی	معمار
پیشہ	[[:مصنف|مصنفہ]] ،  مترجم ،  معمار ،  سفریگیٹ ،  سیاست دان ،  ہمسر ملکہ
پیشہ ورانہ زبان	فارسی ،  انگریزی ،  فرانسیسی ،  آذربائیجانی
وجہ شہرت	سماجی کام سادگی
اعزازات
آرڈر آف ایلی فینٹ (1963)  آرڈر آف دی وائیٹ لائن  تمغائے احیا  گرینڈ کراس آف دی آرڈر آف اسابیلا دی کیتھولک  آریہ مہر  گرینڈ کراس آف دی لیگون آف ہانر
دستخط
ویب سائٹ
ویب سائٹ	شهبانو فرح باضابطہ ویب گاہ
	IMDB پر صفحہ

فرح پہلوی (پیدائش: 14 اکتوبر 1938ء) ایران دی آخری ملکہ تے پہلوی خاندان دے آخری فرمانروا محمد رضا شاہ پہلوی دی تریجھی اہلیہ تے بیوہ ہِن۔

ابتدائی زندگی

اوہ ایران دے دار الحکومت تہران وِچ ڄَمّیاں ہَن۔ اپݨے والدین سہراب دیبا تے فریدہ قطبی دی واحد اولاد ہَن۔ ماں دا تعلق گیلان نال ہئی جݙݨ جو پیو ایران دی شاہی فوج وِچ عہدے دار ہَن، جیڑھے ایرانی آذربائیجان نال تعلق رکھدے ہَن۔ فرح دے پیو دا انتقال اِنّھاں دے بچپن وِچ ہی تِھی ڳیا ہئی۔

تعلیم و شادی

شهبانو فرح پہلوی 1959ء

فرح نے تہران دے فرنچ اسکول تے پیرس دے École Spéciale d'Architecture وِچ تعلیم حاصل کِیتی۔ طالب علمی دے زمانے وِچ انّھاں دا شاہ نال تعارف تِھیا تے 21 دسمبر 1959ء کوں اوہ رشتہ ازدواج وِچ منسلک تِھی ڳئیاں۔ فرح توں شاہ دی چار اولادیں تِھیاں جیندے وِچ ݙو صاحبزادے تے ݙو صاحبزادیاں ہَن:

• رضا پہلوی (پیدائش: 30 اکتوبر، 1960ء)
• فرح ناز پہلوی (پیدائش: 12 مارچ، 1963ء)
• علی رضا پہلوی (پیدائش: 28 اپریل، 1966ء - انتقال: 4 جنوری، 2011ء)
• لیلیٰ پہلوی (پیدائش: 27 مارچ، 1970ء – انتقال: 10 جون، 2001ء)

شادی تے تاجپوشی دے بعد وی ملکہ دی حیثیت نال اوہ فن تے ثقافت دے شعبے وِچ متحرک ریہیاں۔

انقلاب و جلاوطنی

فرح پہلوی 1967ء میں تاجپوشی کے بعد اہل خانہ کے ہمراہ

انقلاب ایران دے نال ہی اوہ شاہ دے نال مُلک چھوڑ ڳئیاں۔ اِیں توں کُجھ ݙین٘ہ پہلے سارے بچّیاں کوں امریکہ وِچ رہائش پزیر فریدہ دیبا (والدہ ملکہ) دے کول بھیڄ ݙِتا ڳیا ہئی۔ شاہ تے ملکہ پہلے مصر ڳئے ول مراکش، بہاماس، میکسیکو، امریکہ تے پاناما وِچ قیام دے بعد ٻہہ وار مصر واپس آئے جِتّھاں ݙوہائیں 27 جولائی 1980ء کوں شاہ دی وفات تئیں قیام پزیر ریہے۔ بعد وِچ فرح نے گرینوچ، کنیکٹیکٹ وِچ ہِک گھر گِھدّا تے 2001ء وِچ لیلا پہلوی دے انتقال (خودکشی) دے بعد اِیں گھر وِچ وی رہائش ترک کر ݙِتی تے واشنگٹن ڈی سی دے کول پوٹوماک، میری لینڈ وِچ ہِک گھر گِھدّا تاں جو اپݨے پُتراں تے پوتاں دے کول رہ سڳن۔ ہُݨ انّھاں دا وَدھ تر وَیلھا واشنگٹن، نیویارک، پیرس تے قاہرہ وِچ گُزرین٘دا ہِے۔ انّھاں دے صاحبزادے رضا پہلوی ایران وِچ شہنشاہیت دی بحالی کِیتے سیاسی طور تے متحرک ہِن۔ رضا تے انّھاں دی اہلیہ یاسمین توں فرح دے ترِیہاں پوتے پوتیاں (ایمان، نور تے فرح) ہِن۔

سوانح عمری

2003ء وِچ فرح پہلوی نے آپݨی سوانح عمری لِکّھی جیندا ناں انّھاں نے "An Enduring Love: My Life with the Shah" رکّھا۔ اِیہ کتاب 2004ء وِچ امریکا وِچ شائع تِھئی۔

خطابات

حالانکہ انقلاب دے بعد حکومت ایران نے سابق شاہی خاندان کوں سارے اعزازات تے خطابات توں محروم کر ݙِتّا ہِے تے قانونی طور تے کوئی وی شاہی خطاب ممنوع ہِے پر فرح دیبا آپݨے ناں دے نال ملکہ یا شاہبانو اِستعمال کریندیاں ہِن جݙݨ جو ایران دی موجودہ حکومت توں ناراض مغربی ذرائع ابلاغ تے شاہ دے حامیاں وی انّھاں کوں ملکہ یا شاہبانو دے ناں نال سݙیندے ہِن۔

نگار خانہ

• 
• 
• 
• 
• 
• 
• 
• 
• 
• 
• 
• 
• 
•