فرح خان

فرح خان
معلومات شخصیت
پیدائش	9 جنوری 1965ء (60 سال)  ممبئی
شہریت	بھارت
شریک حیات	شریش کندر (2004–)
تعداد اولاد	3
بہن/بھائی	ساجد خان
عملی زندگی
پیشہ	فلمی ہدایت کارہ ،  ادکارہ ،  ٹیلی ویژن میزبان ،  کوریوگرافر ،  منظر نویس ،  مصنفہ ،  فلم ساز
	IMDB پر صفحہ

فرح خان (جنم 9 جنوری 1965) شادی دے بعد دے ناں فرح خان کندر نال وی ڄاݨی ویندی ہن، ہک بھارتی فلمی ہدایت کارہ، فلم پروڈیوسر، رقاصہ، میر رقصی تے اداکارہ ہن۔ انّھاں دی اصل پہچان بالی ووڈ فلماں وچ نچݨ تے رقص دی ترکیب تے تنظیم کرݨ ہئی۔ اوہ 80 ہندی بالی ووڈ فلماں وچ سو توں زیادہ گانے دے نچݨ تے رقص دی ترکیب تے تنظیم کر چکی ہن، 6 فلم فیئر اعزازات برائے بہترین کوریوگرافر تے قومی فلم اعزاز برائے بہترین کوریوگرافر جتنڑاں تھئیاں ہن۔ این٘دے علاوہ، انّھاں نے بین الاقوامی منصوبیاں تے کم کیتا ہئی، جیویں میری گولڈ: این ایڈونچر ان انڈیا، مون سون وڈنگ، بمبئی ڈریمز تے چینی فلماں پرہاپس لو تے کنگ فو یوگا، ٹونی اعزاز تے گولڈن ہارس اعزاز کِیتے نامزد تھئیاں ہن۔ اوہ کیوں کہ فلماں دی ہدایت کاری وی کریندی ہن ایں سانگے، فلم فیئر اعزاز برائے بہترین ہدایت کار کِیتے نامزد تھئیاں ہن فلم میں ہوں نا کِیتے۔

ابتدائی حیاتی

فرح خان 9 جنوری 1965ء کوں پیدا تھئی ہئی۔ انّھاں دے پیؤ، کامران خان، سٹنٹمین توں ہک فلم ساز بݨ ڳئے ہن۔ تے ماں، منیکا ایرانی، سابقہ ٻال اداکارہ ہنی ایرانی تے ڈیزی ایرانی دی بھیݨ ہئی۔ فرح فرحان اختر تے زویا اختر (ہنی ایرانی دے ٻال) دی خالہ زاد ہئی۔ انّھاں دا ہک بھائی، ساجد خان ہئی، جو ہک مزاحیہ اداکار تے فلم ہدایت کار ہئی۔

فرح دے پیؤ ہک مسلمان ہن جݙݨ جو، انّھاں دی ماں زرتشتی ایرانی (پارسی) برادری توں ہئی۔ فرح اڄاں ٻالی ہئی جو انّھاں دی شادی ٹُٹ ڳئی۔ انّھاں دی ہک وجہ مذہب ہئی؛ ݙوجھی وجہ پیسے دی کمی ہئی۔ کامران خان شروع وچ ٻہوں کامیاب تے خوش حال ہن، ایں حد تک جو، جݙݨ انّھاں دی سالی ہنی ایرانی نے غربت دے شکار شاعر جاوید اختر نال شادی کر گھدی، ایں نویں جوڑے دی کامران نے مدد کیتی تے بغیر کرائے دے ہک اپارٹمنٹ ݙے ݙتا۔ البتہ، این٘دے بعد کامران دے پیسے کئی فلاپ فلماں بݨاوݨ دی وجہ نال ڈُب ڳئے؛ تے ایں ویلے انّھاں دی شادی ختم تھی ڳئی۔ ایں سانگے فرح دا اپݨے پیؤ نال تعلق ٻہوں گھٹ ریہا، کیوں جو والدین کول کوئی پیسا باقی نہ ہئی، ایں سانگے فرح تے ساجد مختلف گھراں وچ رہوݨ تے مجبور ہن۔

فرح خان نے شریش کندر، فلم ایڈیٹر میں ہوں نا توں، 9 دسمبر 2004ء کوں شادی کیتی۔ انّھاں نے بعد وچ ہک ݙوجھے دیاں فلماں تے رلّ کے کم کیتا ہئی، جیویں جان من، اوم شانتی اوم تے تیس مار خان۔ فرح خان نے 2008ء وچ ہک ویلے ترئے ٻال، ہک پتر تے ݙو دھیاں کوں جنم ݙتا۔