فرانسسکو المیڈا
| فرانسسکو المیڈا | |
|---|---|
| (پرتگالی اچ: Francisco de Almeida) | |
_-_Autor_desconhecido.png) | |
|
| |
| معلومات شخصیت | |
| ڄم | 1450ء دا ݙھاکہ |
| وفات | 1 مارچ 1510[١][٢] |
| وجہ وفات | لڑائی اچ ماریا ڳیا |
| شہریت | .svg){kind=small} مملکت پرتگال
|
| عملی زندگی | |
| پیشہ | مہم جو ، فوجی ، فوجی افسر ، سیاست دان |
| مادری زبان | پرتگالی |
| پیشہ ورانہ زبان | پرتگالی |
| عسکری خدمات | |
| عہدہ | امیر البحر |
فرانسسکو المیڈا (پرتگالی: Francisco de Almeida) ہک پرتگیزی امیر البحر، مہم جو تے ہندوستان وچ پرتگال دا پہلا وائسرائے ہا ۔ اوہ سب توں پہلے 1503ء وچ ہک بحری ٻیڑا ڳھن کے ہندوستان آیا ہا تے کالی کٹ تے حملہ کیتا ہا۔ کالی کٹ دے راجا کوں شکست ݙے کے ہندوستان وچ پرتگالی دی حکومت قائم کیتی۔ پرتگال بادشاہ نے 1505ء وچ انہاں کوں وائسرائے بݨا کے ولا ہندوستان وچ بھیڄا۔ افریقہ دے پوادھےساحل تے کئی قلعے تعمیر کرائے۔ کئی ہندوستانی حکمرانیں توں اپݨی طاقت تے فرمانروائی منوائی، مسالیاں دی منافع بخش تجارت کوں عرباں توں چھک ڳھدا۔
حالات زندگی
[لکھو | ماخذ وچ تبدیلی کرو]افریقہ وچ اینہہ نے کلوا وچ ہک قلعہ تعمیر کیتا۔ کینیا وچ ممباسا کوں ساڑکے خاکستر کر ݙتا تے ہندوستان دے مغربی ساحل تے اپݨے تسلط تے طاقت کوں مضبوط کیتا تاں جو ہک طرف نہ صرف مسالیاں دا مرکز قبضہ وچ آ ونڄے بلکہ ایشیا توں پرتگال تک بحری رستہ قزاقاں تے ݙوجھی بحری طاقتاں دے حملیاں توں محفوظ رہے۔ مصریوں نے ایں ودھدے ہوئے خطرے کوں ݙیکھ کے ہک وݙا بحری ٻیڑا تعمیر کیتا تے 1508ء وچ المیڈا دے پتر کوں بحری جنگ وچ شکست ݙتی۔ 1509ء وچ ڈیوڈ دے قریب المیڈا دے بحری ٻیڑے اتے مصریوں تے ایندے حلیف ہندوستانی حکمراناں دے مشترکہ بحری ٻیڑے دے درمیان سخت جنگ تھئی۔ ایں جنگ وچ المیڈا کوں فتح حاصل تھئی۔ ایں ہی جنگ دے بعد پرتگالی حکومت نے ایندی جاء البو قرق کوں وائسرائے بݨا کے ہندوستان بھیڄا۔ پہلے المیڈا نے ایں فیصلے کوں منݨ توں انکار کیتا لیکن بعد وچ اختیارات نویں وائسرائے دے حوالے کر ݙتے۔ المیڈا ہندوستان توں بذریعہ بحری جہاز پرتگال وینداپیا ہا تاں یکم مارچ 1510ء وچ جنوبی افریقہ دے ساحلی علاقے تے موجودہ کیپ ٹاؤن دے قریب قبائلیاں نے اینکوں قتل کر ݙتا۔
مزید ݙیکھو
[لکھو | ماخذ وچ تبدیلی کرو]- پرتگیزی ہند
- پرتگیزی ایسٹ انڈیا کمپنی
- پرتگیزی سلطنت
حوالہ
[لکھو | ماخذ وچ تبدیلی کرو]- ↑ عنوان : Альмеида, Франциск — اقتباس: Альмеида лично вступился в дело, был ранен стрелою в горло, и на месте умер 1 Марта 1510 года.
- ↑ ٢.٠ ٢.١ عنوان : Алмеида, Франциско — اقتباس: Ему, однако, не удалось возвратиться на родину, и 1 марта 1510 г. в заливе Салданга близ мыса Доброй Надежды он был убит в битве с туземцами, смертельно раненный стрелою.