فخر الدین عراقی

مولانا فخر الدین عراقی حضرت شیخ الشیوخ بہاء الدین زکریاؒ دے خواہر زادے اَتے دارالعلوم دمشق دے مہان٘درے مدرس ہَن۔

مولانا فخر الدین عراقی

مولانا فخر الدین عراقی حضرت شیخ الشیوخ بہاء الدین زکریاؒ دے خواہر زادے اَتے دارالعلوم دمشق دے مہان٘درے مدرس ہَن۔ ہِک ݙِین٘ہ سئیں مدرسے وِچ درس ݙین٘دے پئے ہَن جو اَچّݨ چیتی قلندراں دی ہِک جماعت آن اَپڑی۔ انّھاں دے نال ہِک صاحبِ جمال چھوہَر وی ہَئی۔ شیخ دی نظر اُون٘دے اُتّے پے ڳئی تاں سو جان کنوں فِدا تھے ڳئے۔ اَتے چار ابرو دا صفایا کرا تے انّھاں قلندراں وِچ جذب تھی ڳئے۔ عراق کنوں ہمدان، ہمدان کنوں خراسان اَتے خراسان کنوں ایہ قلندر ملتان آن اپڑے۔

شیخ الاسلام دی بھال

ملتان آوݨ دے بعد سئیں شیخ الاسلام نے انّھاں دے متّھے اُتے سعادت دی جھلک ݙِٹّی تاں انّھاں کوں ڳل نال لاء گِھدّا۔ جین٘دے نال مولانا عراقی دے دِل وِچّوں قلندر زادے دا خیال محو تھی ڳِیا۔ حضرت نے انّھاں کوں آپݨاں ویس پوایا اَتے آپݨے خلوت خانے دے نیڑے رہوݨ کِیتے حجرہ عطا کِیتا، اَتے کمال بھال نال تربیت فرمائی۔ جین٘دے نال مولانا عراقی نے ٻہوں جَلتی فقر تے ولایت وِچ وݙا مقام حاصل کر گِھدّا۔

ذاتی احوال

حضرت شیخ الاسلام بہاء الدین زکریاؒ نے مولانا عراقی دے نال آپݨی ہِک دِھی دا نکاح کر ݙِتّا۔ اِیں تِرِیمت دے بطنِ عفّت کنوں شیخ کبیر الدین ڄَمّے۔ مولانا عراقی شیخ الاسلام دے جھوک لݙا ون٘ڄݨ کنوں بعد عراق اَتے مصر کنوں تِھین٘دے ہوئے دمشق وَن٘ڄ اَپڑے اَتے چِٹّھی لِکھ تے آپݨے پُتر کوں وی سَݙوا گِھدّا۔ مولانا عراقی اَتے انّھاں دے پُتر دے مزار محی الدین ابن العربی قدس سرہٗ دے جوار وِچ واقع ہِن۔

شاعری

مولانا عراقی صُوفی کلام شاعر ہَن۔ نمونے دے طور تے کُجھ اشعار ݙیکھو:-
نیم اہل زہد و تقویٰ بمن آر ساغرِ مئے
کہ بصدق توبہ کر دم زعبادتِ ریائی
تو مرا شراب دروہ کہ زتوبہ توبہ کر دم
زصلاح خود بدیدم ہمہ لافِ خود نمائی
چوں زیادہ ہست گشتم چہ کلیسا وچہ کعبہ
چو تبرک خود گرفتم چہ وصال وچہ جدائی
بہ قمار خانہ رفتم، ہمہ پاکباز دیدم
چو بصو معہ گزشتم ہمہ یافتم وغائی
بزمیں چو سجدہ کردم ززمیں ندا بر آمد
کہ مرا خراب کردی تو بسجدۂ ریائی
بطوافِ کعبہ رفتم بحرم رہم ندا دند
کہ برون در چہ کردی کہ درونِ خانہ آئی
در دیر مے زدم سرزدروں ندا بر آمد
کہ بیا بیا عراقیؔ! توزخاصگانِ مائی!

ٻِیا ݙیکھو

• شیخ الاسلام بہاء الدین زکریاؒ ملتانی۔
• صدر الدین احمد میر حسینیـ
• شیخ کبیر الدین۔
• صدر الدین محمد۔

حوالے

۔