فانی اللہ آبادی
اصل ناں محمد نواز
قلمی ناں فانیؔ اللہ آبادی
ڄمݨ 1945ء
جاہ پتہ وارڈ نمبر 3محلہ لاڑاں اللہ آباد ضلع رحیم یار خاں
فانیؔ اللہ آبادی سئیں سرائیکی دے مایہ ناز شاعر ہن۔چھوٹی بحر اچ خوبصورت غزل لکھدن۔نمونہ کلام ملاحظہ کرو!
غزل
[لکھو | ماخذ وچ تبدیلی کرو]وفا دے وچ جفا ݙیکھو
محبت دی ادا ݙیکھو
پھٹیڑو ہن سبھے سفری
وفا دا قافلہ ݙیکھو
نہیں محتاج دارو دا
اے مرضِ لا دوا ݙیکھو
میݙی حالت تے کھلدے ہن
میݙے یاریں کوں آ ݙیکھو
خدا دی قسم اے ہاں ٹھر گٖئے
سئیں ہک واری ولا ݙیکھو
تہاݙے من دیوچ وسداں
کݙاہیں جھات پا ݙیکھو
اے فانیؔ بے وفا کائنی
ولا ول آزما ݙیکھو