فاطمہ شاہ
| ڈاکٹر فاطمہ شاہ | |
| ڄمّݨ دی تریخ تے جاء | 1914ء |
| فوتڳی | 12 اگست 2002(2002-08-12)ء |
| قلمی ناں | فاطمہ شاہ |
| پیشہ | ماہرِ تعلیم، دانشور، سوشل ورکر |
| زبان | اردو |
| شہریت | پاکستانی |
| تعلیم | ایم بی بی ایس |
| مادر علمی | لیڈی ہارڈنگ میڈیکل کالج، دہلی |
ڈاکٹر فاطمہ شاہ (اردو: فاطمہ شاہ، کنوں) پاکستان دی مہان٘دری گائناکالوجسٹ، ماہرِ تعلیم اَتے سماجی کارکن ہَن۔
حیاتی دا احوال
[لکھو | ماخذ وچ تبدیلی کرو]فاطمہ شاہ 21 جنوری 1914ء وِچ پنجاب دے شہر بھیرہ وِچ ڄَمّی ہَن۔ انّھاں دا ٹَٻّر ݙاڈھا پَڑھیا لِکّھیا ہَئٰ۔ پِیؤ پروفیسر عبد المجید قریشی علی گڑھ یونیورسٹی وِچ شعبہ ریاضی دے چیئرمین ہَن۔[١] فاطمہ شاہ نے 1928ء وِچ چوڈھاں ورھیاں دی عُمر وِچ علی گڑھ یونیورسٹی دے زیر نگرانی میٹرک دے امتحان وِچ گولڈ میڈل گِھدّا۔ اِین٘دے بعد لیڈی ہارڈنگ میڈیکل کالج دہلی کنوں فاطمہ شاہ نے ایم بی بی ایس کِیتا۔ اِتّھاں وی اِنّھاں کوں میکڈانلڈ سکالر شِپ مِلّیا۔
پاکستان آمد
[لکھو | ماخذ وچ تبدیلی کرو]فاطمہ شاہ کوں ڈاکٹر دی ڈگری گھنّݨ دے بعد لکھنؤ دے ڈفرن ہسپتال وِچ ہاؤس سرجن دی ہِک نوکری مِل ڳئی۔ 1937ء وِچ انّھاں دی شادی گورکھپور ہندوستان دی ہِک مہاندری شخصیت جواد علی شاہ نال تھی ڳئی۔ انّھاں نے شادی دے بعد نوکری چھوڑ ݙِتّی۔ قیامِ پاکستان دے ویلے اُوہ اپݨیاں ݙُو دِھیاں دے نال گھروڳی حیاتی لنگھین٘دی پئی ہئی۔ اُوں ویلے وِچ اُوہ کُجھ ݙیہاڑیاں کِیتے پاکستان گھر گِھنّݨ آئی تاں اَزادی دیاں تقریباں خاص طور قائد اعظم محمد علی جناح اَتے لیاقت علی خان دی حلف چاوݨ دی تقریب کِیتے رُک ڳئی۔ بد قسمتی نال اُون٘دے بعد ایݙے ہنگامے تھئے جو اُوکوں ون٘ڄݨ دا موقع نہ مِل سڳیا۔[٢]
سماجی خذمتاں
[لکھو | ماخذ وچ تبدیلی کرو]- ڈاکٹر فاطمہ شاہ نے 1960ء وِچ پاکستان وِچ ایسوسی ایشن آف دی بلائنڈ بݨائی۔ اَتے 1984ء تئیں اِین٘دی اڳواݨی کِیتی۔
خود نوشت
[لکھو | ماخذ وچ تبدیلی کرو]ڈاکٹر فاطمہ شاہ دی حیاتی دی کہاݨی اُنّھاں دی کتاب وِچ موجود ہِے، جہڑی 1990ء وِچ انگریزی وِچ "سن شائن اینڈ سیڈوز" [٣]اَتے اردو وِچ "دھوپ چھاؤں" دے ناں نال چَھپّی ہَئی۔
فوتڳی
[لکھو | ماخذ وچ تبدیلی کرو]ڈاکٹر فاطمہ شاہ 12 اکتوبر 2002ء کوں کراچی وِچ فوت تھی ڳئی۔