فاطمہ بنت منذر

فاطمہ بنت منذر
معلومات شخصیت
ڄمان٘درو ناں	فاطمة بنت المنذر بن الزبير بن العوّام بن خُوَيلْد بن أَسَد بن عَبْد العُزّى بن قصيّ
پیدائش	7ویں صدی
پئے	ہشام بن عروہ
اولاد	عروة ومحمد
ابّا	منذر بن زبير
امّاں	أم ولد
عملی زندگی
طبقہ	من التابعون
پیشہ	محدثہ ،  ماہر اسلامیات

فاطمہ بنت منذر بن زبیر بن عوام ، تابعیہ ، ہشام بن عروہدی ذال اتے عاصم بن منذر دی بھیݨ ہئی۔ انّھاں دی ݙاݙی اسماء بنت ابی بکر ہَن، آکھیا وین٘دا ہے جو اِنّھاں دی امّاں حفصہ بنت عبد الرحمن بن ابی بکر ہَن اَتے اِیہ وی آکھیا وین٘دا ہے جو انّھاں دی امّاں ام ولد ہَن، انّھاں دے پُترعروہ اتے محمد ہَن۔ واللہ اعلم۔  

روایت حدیث

انّھاں نے آپݨی ݙاݙی اسماء بنت ابی بکر، عمرہ بنت عبد الرحمٰن اتے اُم سلمہ رضی اللہ عنہما کنوں حدیثاں روایت کیتیاں۔ راوی: محمد بن اسحاق بن یسار، محمد بن سقع اَتے انّھاں دے پئے ہشام بن عروہ۔ـ اِیکوں امام بخاری، امام مسلم، ابو داؤد، امام ترمذی، النسائی، احمد اَتے ابن ماجہ نے آپݨیاں کتاباں وِچ روایت کِیتا ہِے۔

جراح تے تعدیل

• احمد بن عبداللہ عجلی نےانّھاں دے بارے وِچ آکھیا: "ہِک قابلِ اعتماد تابیعہ ہَن"۔
• ہشام بن عروہ نے آکھیا: "اُوہ میں کنوں تیرھاں ورھیں وݙی ہَن اَتے ہشام دی ڄَمّݨ 61 ہجری وِچ تِھیا، اِیں کِیتے انّھاں دی ولادت 50 ہجری وِچ تھئی۔

فوتڳی

فاطمہ بنت منذر بن زبیر بن عوام 120 ہجری کوں جھوک لݙا ڳئی ہَن۔