فاطمہ بنت محمد التیمی

فاطمہ بنت محمد التیمی دا مکمل ناں اُم سلیمان فاطمہ بنت محمد التیمی (عربی: فاطمة بنت محمد التيمي) ہِے۔ اوہ عباسی خلیفہ المنصور دی تِرِیجھی بااثر ذال ہَئی۔ اوہ مشہور شہزادے سلیمان دی والدی ہَن۔ انّھاں دا مزار عراق دے شہر بغداد وِچ ہِے۔

حیاتی دا احوال

فاطمہ دا تعلق قریش دے قبیلہ بنو تیم نال ہَئی۔ اوہ فاطمہ الطلحی دے ناں نال وی مشہور ہَن۔ خلیفہ المنصور نال شادی تُوں پہلے انّھاں دے شوہر دی شادی عروہ نال تھئی ہَئی۔

المنصور دی پہلی زال عروہ ہَئی جیڑھی اُم موسیٰ دے ناں نال ڄانی وین٘دی ہَئی، جنّھاں دا سلسلہ ہمیار دے بادشاہاں نال ونج رلدا ہِے۔ اِیں دے ݙو پُتر ہَن، محمد (مستقبل دا خلیفہ المہدی) تے جعفر۔ انّھاں دے ازدواجی معاہدے دے مُطابق جݙاں عروہ زندہ ہَئی، المنصور کوں ݙوجھیاں زالاں رکھݨ تے لونڈیاں رکھݨ دا کوئی حق کائنی ہَئی۔ المنصور نے کئی واری اِیں معاہدے کوں منسوخ کرݨ دی کوشش کِیتی، پر عروہ ہمیشہ ججاں کوں خلیفہ دیاں کوششاں کوں تسلیم نہ کرݨ تے راضی کرݨ وِچ کامیاب رہی۔ عروہ دا انتقال 764ء وِچ تھیا۔ اِیں دی موت دے بعد المنصور نے حمادہ تے فاطمہ نال شادی کِیتی۔

فاطمہ، المنصور دی تِین٘ویں زال بݨی۔ اِیں دے والد محمد ہَن، جو اسلامی پیغمبر محمد دے ہِک ممتاز صحابی طلحہ بن عبیداللہ دی اولاد وِچوں ہَن۔ انّھاں دے تِین٘ے پُتر ہَن، سلیمان، عیسیٰ تے یعقوب۔

فاطمہ نے اپݨی زندگی دا وَدھ حِصّہ خلیفہ دے محل وِچ گُزارا۔ اوہ عروہ دے بعد المنصور دی سبھ تُوں بااثر زال بݨی۔ اِیں دے پُتر جانشینی دی صف وِچ کائنی ہَن کیوں جو المنصور نے اپݨے وݙّے پُتراں کوں وارث دے طور تے رکھیا ہَئی۔ تاہم، فاطمہ دے پُتر خلافت دے اہم عہدے دار بݨ ڳئے۔

ٹٻّر

فاطمہ دا تعلق خلافت دے عباسی حکمران گھرانے دے متعدد ارکان نال ہَئی۔

نمبر	خاندانی فرد	رشتہ
1	المنصور	خاوند
2	المہدی	سوتیلا بیٹا
3	سلیمان	بڑا بیٹا
4	عیسی بن المنصور	بیٹا
5	یعقوب بن المنصور	چھوٹا بیٹا
6	جعفر	سوتیلا بیٹا
7	صالح المسکین	سوتیلا بیٹا
8	قیس	سوتیلا بیٹا
9	عالیہ	سوتیلی بیٹی
10	عباسیہ	پوتی
11	جعفر	سوتیلا بیٹا