فائزہ ظفر

فائزہ ظفر
شخصی معلومات
پیدائش	4 مارچ 1996ء (29 سال)  سیالکوٹ
رہائش	لاہور پاکستان
شہریت	پاکستان
قد	158 سینٹی میٹر
وزن	65کلوگرام
استعمال ہَتھ	سَڄّے ہَتھ نال
بھیݨ / بِھرا	مدینہ ظفر
عملی حیاتی
سبکدوش؟	فعال
پیشہ	اسکواش کھلاڑی
کھیل	اسکوائش
اعلیٰ ترین درجہ	نمبر 78
تمغے خواتین اسکواش نمائندگی پاکستان جنوب ایشیائی کھیل 2019ء نیپال ٹیم 2019ء نیپال سنگل

فائزہ ظفر (پیدائش: 4 مارچ 1996ء، سیالکوٹ) ہک پاکستانی زنانی پیشہ ور اسکواش کھلاڑی ہن۔ نومبر 2018ء وِچ پی ایس اے دی عالمی اسکواش درجہ بندی وِچ اوہ 78 درجے تے ہَن، جو انّھاں دی ہݨ تک دی سبھ توں وݙی درجہ بندی ہئی۔ جبکہ اِیں وقت نومبر 2020ء دے مطابق انّھاں دی درجہ بندی 109 ہے۔ انّھاں دی چھوٹی بھیݨ مدینہ ظفر وی اسکواش دی ساتھی کھلاڑی ہن، جو بین الاقوامی سطح تے پاکستان کِیتے کھیݙدی ہن۔

کھیݙ

مدینہ ظفر تے فائزہ ظفر دے ہک مشترکہ انٹرویو وِچ انّھاں ݙوہیں بھیݨاں دا آکھݨا ہئی جو انّھاں نے بچپن ہی توں اسکواش شروع کر ݙتی ہئی، اِیندا وجہ جہانگیر خان ہَن، جنہاں دے نال ہک ملاقات دے بعد فائزہ ظفر دے والد نے اپݨیاں دِھیاں کوں اسکواش دی طرف مائل کِیتا۔ فائزہ ظفر کوں اپݨی بھیݨ دے نال 2018ء دولت مشترکہ کھیݙاں وِچ پاکستان دی نمائندگی کِیتے چُݨیا ڳیا ہئی جتھاں انّھاں ݙوہیں نے دولت مشترکہ کھیݙاں وِچ پہلی وار حصہ گھِدا۔ فائزہ دی شراکت وِچ مدینہ ظفر نے زنانیاں ڈبل مقابلے وِچ 2018ء دولت مشترکہ کھیݙاں وِچ حصہ گھِدا تے گروپ مرحلے وِچ ای باہر تھی ڳئی۔

فائزہ ظفر نے 2018ء پی ایس اے عالمی دورہ دے حصے پی ایس ایف پاکستان اسکواش سرکٹ دے فائنل وِچ اپݨی بھیݨ مدینہ ظفر توں شکست کھادی۔

2017ء وِچ فائزہ نے فائنل وِچ پاکستان دی نمبر ایک کھلاڑی سعدیہ گل کوں ݙو دے مقابلے توں ترے سیٹ نال ہرا تے، پشاور دے پی اے ایف ہاشم خان اسکواش کمپلیکس وِچ آٹھویں آئی سی ایم ایس قومی زنانیاں اسکواش چیمپئن شپ جِتی۔ 2019ء وِچ نیپال وِچ جنوب ایشیائی کھیݙاں وِچ اسکواش دے ٹیم مقابلیاں وِچ چاندی دا تے سنگل مقابلیاں وِچ کانسی دا تمغہ جِتیا۔ مارچ 2020ء وِچ سندھ رینجرز جہانگیر خان اسکواش کمپلیکس وِچ کھیݙے ڳئے سندھ اوپن اسکواش چیمپئن شپ سرکٹ تھری دے ویمنز ایونٹ دے فائنل وِچ فائزہ ظفر نے آمنہ فیاض کوں کہیں مزاحمت دے بغیر ترے، صفر نال ہرا تے چیمپئن شپ جِتی۔ اکتوبر 2020ء وِچ پاکستان آرمی دی طرفوں کھیݙدیاں ہوئیاں، فائزہ ظفر نے اپݨی بھیݨ مدینہ ظفر کوں ہرا تے قومی ویمن اسکواش چیمپئن شپ جِتی۔

فائزہ ظفر اِیں وقت پاکستان دی اپݨی اسکواش درجہ بندی وِچ 25ویں درجے تے ہن، جبکہ اوہ پاکستان فوج دے ہک معاہدے دے تحت، فوج دی اسکواش ٹیم دا حصہ ہن تے ملکی سطح تے تھیوݨ والے اسکواش مقابلیاں وِچ فوجی ٹیم دی نمائندگی کریندیاں ہن۔

انّھاں دی ٻیاں بھیݨاں وِچ، وݙی بھیݨ پاکستان قومی کرکٹ ٹیم وِچ تے چھوٹی بھیݨ وی اسکواش کھیݙدی ہے۔